એપ્રિલ પહેલા સમગ્ર દેશમાં ગરમીએ માથુ ઉંચક્યું છે. ગુજરાતમાં આગામી 4થી 5 દિવસમાં લૂની આગાહી હવામાન ખાતાએ કરી છે.
એપ્રિલ પહેલા દેશમાં કાળઝાળ ગરમીનો પ્રકોપ
દિલ્હી,યુપી સહિતના રાજ્યોમાં પારો પહોંચ્યો આસમાને
ગુજરાતમાં આગામી ચારથી પાંચ દિવસમાં લૂનો ખતરો
દેશભરના વિવિધ રાજ્યોમાં એપ્રિલના આગમન પહેલા જ કાળઝાળ ગરમીએ પોતાનો રંગ બતાવવાનું શરૂ કરી દીધું છે. રાજસ્થાન, મધ્ય પ્રદેશના ઘણા જિલ્લાઓમાં પારો (તાપમાન) સતત ઉપર જઈ રહ્યો છે. રાષ્ટ્રીય રાજધાની દિલ્હી અને ઉત્તર પ્રદેશના કેટલાક શહેરોમાં માર્ચ મહિનામાં જ મહત્તમ તાપમાન 38 ડિગ્રીને પાર કરી ગયું છે. દરમિયાન, હવામાન વિભાગે આગામી પાંચ દિવસ સુધી ઉત્તર, પશ્ચિમ અને મધ્ય ભારતમાં ગરમ પવન ફૂંકાવાની આગાહી કરી છે.
ગુજરાતમાં આગામી 4થી 5 દિવસમાં લૂ મચાવશે કહેર
હવામાન વિભાગના જણાવ્યાનુસાર, ગુજરાતમાં આગામી ચારથી પાંચ દિવસમાં ભયાનક લૂ આવવાની સંભાવના છે. હવામાન વિભાગે લોકોને એલર્ટ રહેવાની ચેતવણી આપી છે. ગુજરાત માટે આગામી 4થી 5 દિવસ ભારે છે. હવામાન વિભાગે અહીં ભારે લૂની આગાહી કરી છે. IMDના જણાવ્યા મુજબ હીટવેવની અસર રાજસ્થાન, ગુજરાત, હરિયાણા, પંજાબ, દિલ્હી, જમ્મુ-કાશ્મીર, ઉત્તર પ્રદેશ, હિમાચલ પ્રદેશ અને મધ્યપ્રદેશમાં જોવા મળશે. સાથે જ હાલ વરસાદની પણ કોઈ શક્યતા નથી. હવામાન વિભાગના જણાવ્યા અનુસાર ઉત્તર, પશ્ચિમ અને મધ્ય ભારતમાં ગરમીથી રાહત મળવાની કોઈ શક્યતા નથી. શુષ્ક હવામાન વચ્ચે દિવસ દરમિયાન સૂર્યની ગરમીના કારણે તાપમાનમાં વધારો થશે. રાજસ્થાનમાં બાંસવાડામાં દિવસનું મહત્તમ તાપમાન 42.1 ડિગ્રી સેલ્સિયસ સુધી પહોંચી ગયું છે. ત્યારે હવામાન વિભાગે આગામી દિવસોમાં ફરી ગરમીની ચેતવણી જારી કરી છે.
ઉત્તર ભારતમાં લઘુત્તમ તાપમાન 20.4 ડિગ્રી સેલ્સિયસ
ભારતીય હવામાન વિભાગ (આઇએમડી) અનુસાર, રાષ્ટ્રીય રાજધાનીમાં રવિવારે લઘુત્તમ તાપમાન 20.4 ડિગ્રી સેલ્સિયસ નોંધાયું હતું, જે સામાન્ય કરતા બે ડિગ્રી વધારે હતું. કેન્દ્રીય પ્રદૂષણ નિયંત્રણ બોર્ડ (સીપીસીબી)ના આંકડા મુજબ, સવારે શહેરની હવાની ગુણવત્તા 'નબળી' કેટેગરીમાં નોંધાઈ છે. દિલ્હીમાં સવારે 9 વાગ્યે 205 વાગ્યે એર ક્વોલિટી ઇન્ડેક્સ (એક્યુઆઈ) નોંધાયો હતો.
એપ્રિલમાં ગરમી તમામ રેકોર્ડ તોડશે
એક અનુમાન પ્રમાણે એપ્રિલ મહિનામાં ગરમી તેના અત્યાર સુધીના તમામ રેકોર્ડ તોડશે. હવામાન વિભાગની પણ આગાહી છે એપ્રિલમાં અત્યાર સુધી ન પડી હોય તેવી ગરમી પડશે.