રાજ્યના કેટલાક ભાગોમાં કમોસમી વરસાદની હવામાન નિષ્ણાંત અંબાલાલ પટેલે આગાહી કરી છે. 13 ડિસેમ્બરથી 16 ડિસેમ્બર દરમિયાન કમોસમી વરસાદ થશે તેવી આગાહી કરવામાં આવી છે.
હવામાન નિષ્ણાંત અંબાલાલ પટેલની આગાહી
13થી 16 ડિસેમ્બર કમોસમી વરસાદ થશે
ઉત્તર ગુજરાતના કેટલાક ભાગોમાં વરસાદની શક્યતા
ઉત્તર ગુજરાતના કેટલાક ભાગોમાં વરસાદની શક્યતા છે.કમોસમી વરસાદ સાથે કરા પડવાની હવામાન નિષ્ણાંત અંબાલાલ પટેલે આગાહી કરી છે.20 અને 21 ડિસેમ્બરે ઠંડા પવનો ફંકાશે છે. તો 22થી 29 ડિસેમ્બર દરમિયાન કડાકાની ઠંડી પડે તેવી પણ આગાહી કરી છે.
અંબાજી અને કચ્છના કેટલાક વિસ્તારમાં હળવો વરસાદ
રાજ્યના વાતાવરણમાં સાઇક્લોનિક સર્ક્યુલેશન સક્રિય થતાં આજે વહેલી સવારે અંબાજી અને કચ્છના કેટલાક વિસ્તારમાં હળવો વરસાદ પડ્યો હતો. શિયાળાની કડકડતી ઠંડીના દિવસોમાં માવઠું થતાં ખેડૂત આલમમાં ગભરાટ ફેલાઈ ગયો હતો. રાજ્યના હવામાનમાં અચાનક પલટો આવવાથી ઠંડીમાં પણ વધારો થયો હતો.
સાઇક્લોનિક સર્ક્યુલેશન સક્રિય
આજે વહેલી સવારે ફાંટાબાજ કુદરતના કારણે અંબાજી અને કચ્છના કેટલાક વિસ્તારમાં હળવો વરસાદ પડ્યો હતો. સાઇક્લોનિક સર્ક્યુલેશન સક્રિય થવાથી આ વિસ્તારમાં વરસાદી માહોલ સર્જાયો હતો, જોકે આવા વરસાદી માહોલથી ખેડૂતોમાં ચિંતાનાં વાદળ છવાયાં છે.
શહેરમાં ઠંડીની તીવ્રતામાં થશે વધારો
સ્થાનિક હવામાન વિભાગનાં સૂત્રોના જણાવ્યા અનુસાર રાજ્યના દક્ષિણ-પૂર્વમાં સાયક્લોનિક સર્ક્યુલેશન સક્રિય થવાથી બનાસકાંઠા અને કચ્છમાં હળવો વરસાદ પડી શકે છે, જોકે રાજ્યના અન્ય જિલ્લામાં વરસાદની શક્યતા નથી. દરમિયાન અમદાવાદમાં આજે 12.8 ડિગ્રી ઠંડી નોંધાતાં ચાલુ શિયાળાની સિઝનનો સૌથી ઠંડો દિવસ બન્યો હતો. આજે શહેરનું લઘુતમ તાપમાન સામાન્ય કરતાં એક ડિગ્રી ઓછું હતું. આગામી દિવસોમાં શહેરમાં ઠંડીની તીવ્રતામાં વધારો થવાની શક્યતા છે.
કેમ શિયાળામાં જામ્યો છે વરસાદી માહોલ
ઉત્તર ભારતમાં હિમવર્ષાને પગલે ત્યાંથી ઠંડા પવનો દરિયા તરફ આવી રહ્યા છે જેમાં ગુજરાતમાં કાતિલ ઠંડી પડવાના સંકેતો છે. વળી અરબી સમુદ્રમાં વાવાઝોડું પવન સક્રિય થવાને કારણે સૌરાષ્ટ્રના કેટલાક ભાગોમાં વરસાદની આગાહી યથાવત રાખવામાં આવી છે.
વાતાવરણમાં ભેજ જોવા મળ્યો
અરબી સમુદ્ર પર સિસ્ટમ સક્રિય થતા ઠંડો પવન ફૂંકાતા દિવસભર ઠંડી વર્તાશે. કોલ્ડ વેવને કારણે ભર શિયાળાની ઠંડીનો માહોલ જામશે.