ગુજરાતમાં એક તરફો કોરોના બેકાબુ જોવા મળી રહ્યો છે ત્યારે રાજ્યમાં બીજી તરફ લગ્નની સિઝન ચાલી રહી છે. ત્યારે હવામાન વિભાગે વરસાદની આગાહી કરતા રાજ્યના ખેડૂતો અને લગ્નવાંચ્છુકોની ચિંતામાં વધારો કર્યો છે. જેમાં ભર શિયાળે ફરી હવામાન વિભાગ દ્વારા આગામી 10 અને 11 ડિસેમ્બરના રોજ સૌરાષ્ટ્ર અને દક્ષિણ ગુજરાતમા સામાન્ય વરસાદની આગાહી કરવામાં આવી છે.
ગુજરાતમાં કમોસમી વરસાદની આગાહી
બે દિવસ સુધી વાતાવરણમાં થઈ શકે છે ફેરફાર
સૌરાષ્ટ્ર, દ.ગુજરાતમાં પડી શકે છે વરસાદ
હવામાન વિભાગની આગાહી મુજબ રાજ્યમાં આગામી 48 કલાકમાં સામાન્યથી મધ્યમ વરસાદ વરસે તેવી શક્યતા છે. રાજ્યના સૌરાષ્ટ્ર અને દક્ષિણ ગુજરાતના કેટલાક સ્થળો પર હવામાનમાં પલટો જોવા મળી શકે છે.
રાજ્યમાં એક તરફ કોરોના વાયરસની મહામારીનો કહેર જોવા મળી રહ્યો છે ત્યારે બીજી તરફ લગ્નપ્રસંગની સિઝન ચાલી રહી છે. જો કે આ બધા વચ્ચે હવામાન વિભાગ દ્વારા રાજ્યમાં કમોસમી વરસાદની આગાહી કરવામાં આવી છે.
રાજ્યમાં ખેડૂતો માટે ચિંતાજનક સમાચાર સામે આવ્યાં છે. ભર શિયાળામાં હવામાન વિભાગ દ્વારા વેસ્ટર્ન ડિસ્ટર્બન્સના કારણે સૌરાષ્ટ્ર અને દક્ષિણ ગુજરાતના વાતાવરણમાં પલટો જોવા મળી શકે છે. જેને લઇને રાજ્યમાં આગામી 10 અને 11 ડિસેમ્બરના રોજ વરસાદની આગાહી કરવામાં આવી છે.
હવામાન વિભાગ દ્વારા સૌરાષ્ટ્ર અને દક્ષિણ ગુજરાતના વાતાવરણમાં પલટો જોવા મળે તેવી શક્યતાને લઇને આગાહી કરી છે. સૌરાષ્ટ્રની વાત કરીએ તો સોમનાથ, સુરત, ભાવનગરમાં વરસાદ પડે તેવી સંભાવના છે, જ્યારે દક્ષિણ ગુજરાતના દાહોદ, પંચમહાલ, વડોદરા, આણંદ જિલ્લામં સામાન્ય વરસાદની વકી છે.