મેઘમહેર / સૌરાષ્ટ્ર પર મહેરબાન મેઘરાજા, દ્વારકામાં 87 વર્ષનો તૂટ્યો રેકોર્ડ, શહેરની બજારોમાં ભરાયાં પાણી

• દ્વારકામાં સતત વરસી રહેલા વરસાદથી બજારોમાં પાણી 
• ભોગાત અને ગોજીનેસ ભારે વરસાદના પગલે ડેમ ઓવરફ્લો

દ્વારકાની બજારોમાં ભરાયા પાણી

દ્વારકામાં ભારે વરસાદના પગલે બજારોમાં પાણી ભરાઇ ગયા છે. સતત વરસાદના કારણે દ્વારકાનું જીવન અસ્તવ્યસ્ત બની ગયું છે. સત્તત વરસાદના કારણે અનેક નીચાણવાળા વિસ્તારોમાં પાણી ભરાયાં હતા. ત્યારે હજુ પણ છેલ્લાં 48 કલાકથી ભારે અને ધીમધારે વરસાદ સતત ચાલુ હોય બજારોમાં પાણી ભરાયેલાં છે. શહેરના ત્રણ બતી ચોકથી રબારી ગેટ સુધી પાણી ભરાયેલા હોઈ લોકોને ભારે હાલાકી ભોગવવી પડી રહી છે.

દ્વારકામાં દ્વારકાધીશ મંદિરનું શિખર દંડ થયું ખંડિત

દ્વારકામાં દ્વારકાધીશ મંદિરનું શિખર દંડ ખંડિત થયું છે. પવન અને વરસાદના કારણે શિખર દંડ ખંડિત થયું છે. ભારે પવનથી મંદિર શિખર પર ધ્વજા ચઢાવવાનો દંડ તૂટી ગયો છે. શિખર દંડ પર દરરોજ 5 ધ્વજાઓ ચઢાવવામાં આવે છે.

ભોગાત બંધારા ડેમ ઓવરફ્લો થતા નદીઓમાં પૂર

દ્વારકા જિલ્લામાં ભારે પવન સાથે ધોધમાર વરસાદ ખાબક્યો છે. ભોગાત અને ગોજીનેસમાં ભારે વરસાદના પગલે ડેમ ઓવરફ્લો થયો છે. ભોગાત બંધારા ડેમ ઓવરફ્લો થતાં નદીઓમાં પૂરની સ્થિતિ સર્જાઇ છે. વરસાદના પગલે દરિયા સાથે નદીના મિલનના દ્રશ્યો સર્જાયા છે.