હવામાન વિભાગ / લૉકડાઉનની સ્થિતિ વચ્ચે 2 દિવસ રાજ્યના આ જિલ્લાઓમાં હિટવેવની આગાહી

• રાજ્યમાં ગરમીનો કહેર રહેવાની કરી આગાહી
• 2 દિવસ ગીરસોમનાથ-પોરબંદરમાં હિટવેવની આગાહી
• અમદાવાદ-ગાંધીનગરમાં પણ 2થી 3 ડિગ્રી વધાવાની શક્યતા

એક તરફ લોકડાઉન બીજી તરફ આકરી ગરમીની આગાહી હવામાન વિભાગે કરી છે. અમદાવાદ, ગાંધીનગર સહિત રાજ્યમાં 2થી 3 ડિગ્રી તાપમાન વધે તેવી શક્યતા હવામાન વિભાગે કરી છે. તો બીજી તરફ 2 દિવસ ગીર-સોમનાથ અને પોરબંદરમાં હિટવેવની આગાહી આપી છે. 

એક તરફ કોરોનાની મહામારી બીજી તરફ ગરમીના કહેરથી પ્રજા ત્રાહિમામ પોકારી ગઈ છે, ત્યારે લોકડાઉનની જાહેરાતની સાથે કોટ વિસ્તારમાં કર્ફ્યુ છે. જોકે આવશ્યક કામ માટે બપોર 1થી 4 વાગ્યાનો સમય આપ્યો છે. પરંતુ ગરમીના કારણે લોકો ઘરની બહાર નીકળવાનું ટાળી રહ્યા છે ત્યારે હજી પણ આકરી ગરમી સહન કરવાની હવામાને આગાહી આપી છે.