ચોમાસું / હવામાન વિભાગની આગાહી, ગુજરાતના આ વિસ્તારોમાં થઇ શકે વરસાદ

• 24 કલાકમાં ભારે વરસાદની આગાહી
• સૌરાષ્ટ્ર, ઉત્તર ગુજરાત અને મધ્યગુજરાતમાં વરસાદની સંભાવના

સૌરાષ્ટ્રમાં મધ્યમથી ભારે વરસાદ

ઉત્તર ગુજરાતના વિસ્તારમાં દિવસભર છૂટો છવાયો વરસાદ રહેશે. જેમાં અમદાવાદ સહિત ઉત્તર ગુજરાતના વિસ્તારોમામ મોડી રાતથી જ ઝરમર વરસાદ શરૂ થઈ ગયો છે. સૌરાષ્ટ્રના જિલ્લાઓમાં મધ્યમથી ભારે વરસાદની શક્યતા છે. 

નર્મદા ડેમની સપાટીમાં વધારો

સરદાર સરોવર નર્મદા ડેમની સપાટીમાં વધારો થઈ રહ્યો છે. નર્મદા ડેમની સપાટી વધીને 138.33 મીટરે પહોંચી છે. ડેમમાં દર કલાકે સતત એક સેન્ટીમીટરનો વધારો થઈ રહ્યો છે. હાલમાં ડેમમાં 8 લાખ 55 હજાર ક્યુસેક પાણીની આવક થઈ છે. પાણીની આવક થતા ડેમના 23 દરવાજા ખોલવામાં આવ્યા છે. 

નર્મદા ડેમમાંથી 8 લાખ 11 હજાર ક્યુસેક પાણી છોડવામાં આવી રહ્યુ છે. હાલ ડેમમાં 5484.87 MCM લાઈવ સ્ટોરેજ પાણીનો જથ્થો નોંધાયો છે. ડેમમાં પાણીની આવક થતા તંત્ર એલર્ટ થયુ છે. તંત્રએ સાવચેતીના ભાગરૂપે કેવડિયા પાસેના ગોરા બ્રિજ 7 દિવસ સુધી બંધ રાખ્યો છે. આ સાથે જ નદીકાંઠાના 175 ગામોને એલર્ટ પણ કરવામાં આવ્યા છે. તમામ ગામોમાં TDO અને સરપંચને સ્ટેન્ડ બાય રહેવાના આદેશ અપાયા છે.