હવામાન / અંબાલાલની આગાહી: રાજ્યમાં આ તારીખથી ચોમાસું થશે સક્રિય, અહીં પડશે વરસાદ

સૌરાષ્ટ્રના દરિયા કિનારાના ભાગમાં વરસાદ પડશે. આહવા, ડાંગ, વલસાડ, સુરતમાં ભારે વરસાદ થશે. ઉત્તર ગુજરાતના છુટા-છવાયા ભાગમાં વરસાદ પડશે. 7 જુલાઈ સુધીમાં સાબરકાંઠા, અરવલ્લીમા વરસાદ થશે.

ગુરૂવારે બપોર બાદ બોટાદ જિલ્લાના ગઢડામાં ગાજવીજ સાથે મુશળધાર વરસાદ વરસ્યો હતો. રાજકોટના ગોંડલ પંથકમાં વરસાદ વરસ્યો હતો. કંટોલીયા, બાંદરા, દેવચડી, શીવરાજગઢમાં વરસાદ થયો છે. ગોંડલ પંથકમાં દોઢથી 2 ઇંચથી વધુ વરસાદ થયો છે. આ વરસાદથી નદી-નાળા અને વોકળમાં પૂર આવ્યો છે. જુની દેવચંડીનો આઠવાલા ચેકડેમ ઓવરફ્લો થયો છે. હમણાં થયેલા વરસાદથી સ્થાનિક ચેકડેમો ભરાયા છે. ભારે વરસાદથી પાણી ભાદર નદી સુધી પહોંચ્યુ છે.

તો રાજકોટના પડધરી વિસ્તારોમાં પણ ધોધમાર વરસાદ વરસ્યો હતો. પડધરીમાં સતત બીજા દિવસે પણ સારો વરસાદ થયો છે. ગઢલા, અડબાળકા, નારણકા ગામોમાં વરસાદ થયો હતો.

જ્યારે અમરેલીના રાજુલાના ગ્રામ્ય વિસ્તારોમાં ધોધમાર વરસાદ પડ્યો હતો. જુદા જુદા ગામોમાં વરસાદ પડતા રાજુલાની સ્થાનિક નદીઓમાં પૂર આવ્યું હતું. રાજુલાના ડુંગરમા 2 ઇંચ જેટલો વરસાદ પડ્યો હતો. તો દીપડ્યા, વાવેરા સહિતના ગામોમાં પણ ભારે વરસાદ પડ્યો હતો. તો સાવરકુંડલામા સતત વરસાદથી નાવલી નદીમાં પુર આવ્યુ છે. નાવલી નદીમા નવા નીર આવતાં લોકોમાં આનંદ છવાયો છે. તેમજ વાવણી લાયક વરસાદથી ઘરતી પુત્રોમાં આનંદની લાગણી જોવા મળી છે.