આસામમાં હાલમાં જ હવામાનમાં એવું પરિવર્તન આવ્યું છે, ત્યાં ભારે પવન સાથે તોફાન અને વરસાદે રાજ્યમાં સોથ વાળી દીધો છે.
ગરમીની સાથે અમુક રાજ્યોમાં વરસાદનો કહેર
આસામમાં તોફાન સહિત ભારે વરસાદ
વિજળી પડવાની કેટલાય લોકોના મોત
ઉત્તર ભારત સહિત દેશના કેટલાય રાજ્યોમાં કાળઝાળ ગરમીનો પ્રકોપ વરસી રહ્યો છે. તાપમાન વધવાની વચ્ચે હવામાન શુષ્ક બનેલું છે. તો વળી તમિલનાડૂ, કેરલ અને આસામ સહિત કેટલાય રાજ્યોમાં ભારે વરસાદની સ્થિતિ આવી પડી છે. આસામમાં હાલમાં જ હવામાનમાં એવું પરિવર્તન આવ્યું છે, ત્યાં ભારે પવન સાથે તોફાન અને વરસાદે રાજ્યમાં સોથ વાળી દીધો છે.
The death toll in storms, lightning and heavy rainfall in Assam rises to 14: State Disaster Management Authority
આસામ રાજ્યના અલગ અલગ જિલ્લામાં તોફાન અને વિજળી પડવાની ઘટનાઓમાં કેટલાય લોકોના જીવ ગયા છે. આસામ સ્ટેટ ડિઝાસ્ટર મેનેજમેન્ટ ઓથોરિટીના જણાવ્યા અનુસાર રાજ્યમાં કુદરતનો કહેર, તોફાન અને વરસાદ તથા વિજળી પડવાના કારણે અત્યાર સુધીમાં 14 લોકોના મોત થઈ ચુક્યા છે.
કેટલાય ઘરોને નુકસાન, રસ્તા પર ઝાડ પડી ગયા
આસામ સ્ટેટ ડિઝાસ્ટર મેનેજમેન્ટ ઓથોરિટીના જણાવ્યા અનુસાર, રાજ્યના કેટલાય જિલ્લામાં 15 એપ્રિલ સુધી તોફાન અને વરસાદથી હવામાન બદલાયેલુ રહેવાના અણસાર આપ્યા હતા. બરાપેટા, ડિબ્રૂગઢ, નલબાડી જિલ્લામાં તોફાન અને ભારે વરસાદથી કેટલાય ઘરોને નુકસાન પહોંચ્યું છે. સાથે ઝાડ ઉખડીને રસ્તાઓ પર પડ્યા છે. તોફાનના કારણએ વિજળીની લાઈનો પણ ખોરવાઈ ગઈ છે અને થોડા સમય માટે વિજ સપ્લાઈ પણ પ્રભાવિત થયો હતો.
હવામાન વિભાગની આગાહી
આ તમામની વચ્ચે હવામાન વિભાગે આજે એટલે કે, 17 એપ્રિલે પણ વરસાદ પડવાનું અનુમાન લગાવ્યું છે. IMD ના જણાવ્યા અનુસાર અરુણાચલ પ્રદેશ, આસામ, કેરલ અને તમિલનાડૂમાં વરસાદ થવાની શક્યતાઓ વર્તાવી છે.