હવામાન નિષ્ણાંત અંબાલાલ પટેલે વરસાદની આગાહી કરી છે. તેમણે જણાવ્યું કે, બંગાળની ખાડીમાં લો પ્રેશર સિસ્ટમ સર્જાઈ છે. હવે ગુજરાતમાં લો પ્રેશરની અસર જોવા મળશે. આજ રાતથી થન્ડર સ્ટોર્મની અસર જોવા મળી શકે છે. દક્ષિણ ગુજરાત, સૌરાષ્ટ્ર સહિતના ભાગોમાં અસર દેખાતા. વલસાડ, નવસારી, તાપી, સુરતમાં વરસાદપડી શકે છે. આ ઉપરાંત અમરેલી, ભાવનગર, રાજકોટમાં પણ વરસાદ પડવાની આગાહી છે. તો અમદાવાદ, ગાંધીનગરમાં પણ હળવા વરસાદની આગાહી કરવામાં આવી છે. મહત્વનું છે કે, 26 જૂનથી ગુજરાતમાં વિધિવત ચોમાસાનું આગમન થવા જઈ રહ્યું છે.