આ વખતે પણ ફેબ્રુઆરીમાં રેકોર્ડબ્રેક ઠંડીની સાથે સાથે માવઠું પડવાની પણ સંભાવનાઓ છે. જાણો ક્યાં કઈ તારીખ પડશે વરસાદ
ફ્રેબ્રુઆરીની શરૂઆતમાં માવઠાની શક્યતા
હવામાન વિશેષજ્ઞ અંબાલાલ પટેલે કરી આગાહી
એક નહિ પરંતુ બે બે વેસ્ટર્ન ડિસ્ટર્બન્સ સક્રિય થશે
હવામાન વિશેષજ્ઞ અંબાલાલ પટેલ દ્વારા ફેબ્રુઆરીની શરૂઆતમાં માવઠાની આગાહી કરવામાં આવી છે. તેમના કહેવા અનુસાર બે વેસ્ટર્ન ડિસ્ટર્બન્સ સક્રિય થશે.
અહીં પડશે વરસાદ
તારીખ 1થી 11 ફેબ્રુઆરી સુધી વરસાદની શક્યતા પણ જોવાઈ રહી છે. ગુજરાત,ઉત્તરપ્રદેશ,મધ્યપ્રદેશ અને મહારાષ્ટ્રના કેટલાક વિસ્તારોમાં વરસાદની આગાહી પણ કરવામાં આવી છે. આ સાથે રાજ્યના મોટાભાગના વિસ્તારમાં કમોસમી વરસાદની આગાહી હવામાન વિશેષજ્ઞ અંબાલાલ પટેલે કરી હતી.
એક તરફ રેકોર્ડબ્રેક ઠંડી
દેશની રાજધાની દિલ્હીમાં જાન્યુઆરીમાં રેકોર્ડ તોડ ઠંડી પડ્યા બાદ ફેબ્રુઆરીને પ્રથમ દિવસે પણ ઠંડીનું જોર યથાવત રહ્યું.. પ્રથમ ફેબ્રુઆરીએ પડેલી ઠંડીએ છેલ્લા 13 વર્ષનો રેકોર્ડ તોડી નાખ્યો છે. હવામાન વિભાગે આગામી બેથી ત્રણ દિવસમાં દિલ્હીમાં ભારે ઠંડીની સાથે વરસાદ થવાની પણ સંભાવના વ્યક્ત કરી છે. 2008માં દિલ્લીમાં 4.1 ડિગ્રી તાપમાન નોંધાયું હતું. ત્યાર બાદ સતત પ્રથમ ફેબ્રુઆરીએ તાપમાનમાં વધારો જોવા મળ્યો હતો.
જોકે 13 વર્ષ બાદ ફરી એકવાર 1 ફેબ્રુઆરી 2021ના દિવસે તાપમાનમાં ઘટાડો થયો અને પારો 5.3 ડિગ્રી સુધી ગગડ્યો હતો.. જાન્યુઆરીમાં ઠંડીએ 15 વર્ષનો રેકોર્ડ તો તોડ્યો જ છે. પણ હવે ફેબ્રુઆરીમાં પણ 13 વર્ષનો રેકોર્ડ તોડી નાખ્યો છે. ઠંડીના કહેર વચ્ચે દિલ્લી અને NCRમાં પ્રદૂષણમાં પણ ભારે વધારો થઈ રહ્યો છે. દિલ્લી, ગાઝિયાબાદ અને NCRની હવા શ્વાસ લેવા લાયક નથી.