ચોમાસું / ગુજરાતમાં સાર્વત્રિક વરસાદથી ધરતીપુત્રોમાં ખુશીની લહેર, 238 તાલુકામાં મેઘમહેર

• ગુજરાતમાં સાર્વત્રિક વરસાદ
• છેલ્લા એક દિવસમાં રાજ્યના 238 તાલુકામાં વરસાદ
• આણંદમાં સૌથી વધુ 12.5 ઈંચ વરસાદ

હવામાન વિભાગની આગાહી વચ્ચે રાજ્યમાં સાર્વત્રિક વરસાદ પડતાં જગતના તાતમાં ખુશીની લહેર જોવા મળી રહી છે. રાજ્યમાં સાર્વત્રિક ખેતી લાયક વરસાદ પડતાં ધરતીપુત્રો ખુશ જોવા મળી રહ્યાં છે. છેલ્લા 24 કલાકમાં આણંદમાં સૌથી વધારે 12.5 ઇંચ વરસાદ પડ્યો છે. 

જ્યારે સૌરાષ્ટ્ર, મધ્ય અને ઉત્તર ગુજરાતમાં સારો વરસાદ પડ્યો છે. જેમાં લખતરમાં 9, નડિયાદમાં 8, બારડોલીમાં 6.5, બોરસદમાં 6.5 પેટલાદ અને વઢવાણમાં 6 ઇંચ વરસાદ પડ્યો છે. આ સાથે મહુધા-ડેડિયાપાડામાં 5 ઇંચ, ઉમરપાડા અને આંકલાવમાં પોણા 5 ઇંચ વરસાદ નોંધાયો છે. 

સાણંદ-ખંભાતમાં સવા 4 ઇંચ, સોનગઢ-કામરેજ-તારાપુરમાં 4 ઇંચ વરસાદ, ધ્રાંગધ્રામાં પોણા 4 ઇંચ, લીંમડી-સાગબારામાં 3.5 ઇંચ વરસાદ નોંધાયો છે. 

આમ સૌરાષ્ટ્ર અને ઉત્તર ગુજરાતની વાત કરીએ તો અનેક જિલ્લાઓમાં ખુબ સારો વરસાદ પડી રહ્યો છે. જેને રાજ્યના કેટલાંક ડેમો છલકાયા છે. જ્યારે અનેક જગ્યાએ નદીઓ બે કાંઠે વહી રહી છે.