મેઘમહેર / ગુજરાતમાં અત્યાર સુધીમાં 88 ટકા વરસાદ, અમદાવાદ સહિત દક્ષિણમાં વહેલી સવારથી વરસાદી માહોલ

• અમદાવાદમાંરાત્રિના સમયે લીધેલા વિરામ બાદ ફરી વરસાદ
• રાજ્યમાં સવારથી 41 તાલુકાઓમાં વરસાદ
• દક્ષિણ ગુજરાતમાં વહેલી સવારે મેઘરાજાની રમઝટ

નવસારીમાં ધોધમાર વરસાદ શરૂ થયો છે. જલાલપોરના મરોલ ઉભરાટ રોડ પર લોકોના ઘરમાં પાણી ઘૂસતા મુશ્કેલી જોવા મળી છે. જ્યારે વલસાડ જિલ્લામાં સવારતી તમામ તાલુકાઓમાં વરસાદી માહોલ જોવા મળ્યો છે. 

અમદાવાદ સહિત રાજ્યમાં સવારથી 41 તાલુકાઓમાં વરસાદ પડ્યો છે. દક્ષિણ ગુજરાતમાં વહેલી સવારે મેઘરાજાની રમઝટ જોવા મળી છે. આ સાથે વલસાડના ઉમરપાડામાં બે કલાકમાં અઢી ઇંચ  જ્યારે સુરતના પલસાણામાં બે કલાકમાં 2 ઇંચ વરસાદ નોંધાયો છે.

જ્યારે કચ્છના અંજારમાં દોઢ ઇંચ, જલાલપોર, ગાંધીધામમાં 1-1 ઇંચ અને વીરપુર,નવસારી, દેડિયાપાડામાં 1-1 ઇંચ વરસાદ પડ્યો છે. 

રાજ્યમાં અત્યાર સુધી 88.55 ટકા વરસાદ નોંધાયો

રાજ્યમાં વરસાદી માહોલ યથાવત છે. રાજ્યમાં અત્યાર સુધી 88.55 ટકા વરસાદ નોંધાયો છે. ઓગસ્ટ મહિનામાં સૌથી વધુ સરેરાશ 16 ઇંચ વરસાદ પડ્યો છે. અને અત્યાર સુધી સરેરાશ 30 ઇંચ જેટલો વરસાદ નોંધાયો છે.

રાજ્યમાં 52 તાલુકામાં સરેરાશ 40 ઇંચ કરતા વધુ વરસાદ પડ્યો છે. જ્યારે 118 તાલુકાઓમાં સરેરાશ 20થી 40 ઇંચ વરસાદ અને 77 તાલુકાઓમાં સરેરાશ 10થી 20 ઇંચ વરસાદ પડ્યો છે. જ્યારે 4 તાલુકાઓમાં 10 ઇંચ કરતા ઓછો વરસાદ નોંધાયો છે.