ચોમાસુ / દેશમાં ચોમાસાને લઈને હવામાન વિભાગે કરી આગાહી, આ તારીખથી પ્રી-મોન્સૂન એક્ટીવિટી થશે શરૂ

• ચોમાસાને લઇને સારા સમાચાર 
• 30મી મેથી પ્રી-મોન્સૂન એક્ટિવિટી શરૂ થશે
• 1 જૂન સુધીમાં કેરળ પહોંચશે ચોમાસુ 

અગાઉ પણ હવામાન વિભાગે ચોમાસાને લઈને આગાહી કરી હતી. આ સમયે અનુમાન કરવામાં આવ્યું હતું કે 2020માં ચોમાસું 5 જૂને કેરળ આવશે તેમ જણાવાયું હતું. હાલમાં જે સ્થિતિ વર્ણવાઈ છે તેના અનુસાર બંગાળમાં પણ શનિવાર સુધીમાં વરસાદ આવશે અને આગામી 2 દિવસ સુધી ભારે વાવાઝોડું અને વરસાદની સ્થિતિ રહી શકે છે.  ગુજરાતમાં 15થી 20 જૂન સુધીમાં વરસાદની શક્યતા સેવાઈ રહી છે તો 8 જૂન સુધીમાં ચોમાસું મહારાષ્ટ્ર પહોંચી શકે છે. રાજસ્થાનમાં આજે જ વાતાવરણમાં પલટો આવી શકે છે. હરિયાણા અને પંજાબમાં પણ ગરમીમાંથી રાહત મળશે. બંગાળની ખાડીમાં વાવાઝોડાની સ્થિતિ બનતા વરસાદી સિસ્ટમ સક્રિય થશે. જેના કારણે ગરમીમાંથી દેશવાસીઓને રાહત મળશે. 

આગામી 24 કલાક દરમિયાન આવી રહેશે સ્થિતિ

આગામી 24 કલાક દરમિયાન કેટલીક જગ્યાઓએ  50-60 કિ.મી. પ્રતિ કલાકની ધૂળ અને પવન સાથે વાવાઝોડા સાથે પવન ફૂંકાય તેવી શક્યતા જાહેર કરી છે, જેમાં બિકાનેર, ચુરુ, હનુમાનગઢ, શ્રીગંગાનગર, નાગૌર, જયપુર, જોધપુર, અલવર, ભરતપુર, સીકર, દૌસા અને ઝુનઝુનુ જિલ્લાઓ છે. 

પશ્ચિમ બંગાળમાં શનિવાર સુધીમાં વાવાઝોડા સાથે આવી શકે છે વરસાદ

ભારતીય હવામાન વિભાગે આગામી બે દિવસ પશ્ચિમ બંગાળમાં વરસાદ અને જોરદાર પવનની આગાહી કરી છે. કોલકાતા અને બંગાળના કેટલાક દક્ષિણ જિલ્લાઓમાં ગુરુવારે આકાશ વાદળછાયું હતું અને વચ્ચે-વચ્ચે વરસાદ પડી રહ્યો હતો. વિભાગના એક અધિકારીએ જણાવ્યું હતું કે, દક્ષિણ બંગાળના ઉત્તર 24 પરગણા, પૂર્વ અને પશ્ચિમ બર્ધવન, મુર્શિદાબાદ અને બીરભૂમ જિલ્લામાં શનિવાર સુધી ભારે પવન સાથે વીજળી અને વરસાદની સંભાવના છે. પવન 50-60 કિમી પ્રતિ કલાકની ઝડપે હોઈ શકે છે. વિભાગે જણાવ્યું હતું કે, પશ્ચિમ બંગાળના ગંગાના મેદાનો સાથેના અન્ય જિલ્લાઓમાં આગામી બે દિવસ વરસાદ અથવા ગાજવીજ સાથે વરસાદ પડી શકે છે. બુધવારે સાંજે કોલકાતામાં 96 કિમી પ્રતિ કલાકની ઝડપે પવન ફૂંકાયો હતો.

કેરળમાં 1 જૂન સુધીમાં આવશે વરસાદ

ભારતીય હવામાન ખાતાએ કહ્યું કે બંગાળની ખાડી પર ચક્રવાતની રચનાને કારણે દક્ષિણ પશ્ચિમ ચોમાસું 1 જૂને કેરળ પર પટકશે. વિભાગે 15 મેના રોજ જાહેર કરેલી આગાહીમાં જણાવ્યું છે કે 5 જૂને ચોમાસું આ દક્ષિણ રાજ્યમાં આવી શકે છે. તે ચોમાસાની સામાન્ય તારીખ કરતા ચાર દિવસ પછી છે. કેરળમાં ચોમાસા સામાન્ય રીતે 1 જૂને આવે છે.

હાલમાં આવી છે અનેક રાજ્યોની સ્થિતિ

રાજસ્થાનના કેટલાક ભાગોમાં ગુરુવારે પણ અંગ દઝાડતી ગરમીનું મોજું ચાલુ રહ્યું. સૌથી વધુ તાપમાન સાથે ચુરુ અને શ્રીગંગાનગર સૌથી ગરમ હતા. હવામાન વિભાગના જણાવ્યા અનુસાર ગુરુવારે આ બંને વિસ્તારોમાં મહત્તમ તાપમાન 46.9 ડિગ્રી નોંધાયું હતું. તે જેસલમેરમાં 45.4 ડિગ્રી સેલ્સિયસ, બિકાનેરમાં 45.2 ડિગ્રી સેલ્સિયસ, કોટામાં 45 ડિગ્રી સેલ્સિયસ, બાડમેરમાં 44.3 ડિગ્રી સેલ્સિયસ, જયપુરમાં 44.1 ડિગ્રી સેલ્સિયસ, જોધપુરમાં 42.3 ડિગ્રી સેલ્સિયસ અને અજમેરમાં 44.1 ડિગ્રી સેલ્સિયસ તાપમાન હતું.