હાય ગરમી ! / રાજ્યમાં હજુ 5 દિવસ આકરા, આ વિસ્તારોમાં 44 ડિગ્રી સુધી તાપમાન રહેવાની આગાહી

• ગુજરાતમાં 5 દિવસ હિટવેવની આગાહી
• ઉત્તર ગુજરાત, સૌરાષ્ટ્રમાં 2 દિવસ હિટવેવની આગાહી
• 28 એપ્રિલે ઉત્તર ગુજરાત, સૌરાષ્ટ્ર અને કચ્છમાં હિટવેવની આગાહી

રાજ્યમાં ગરમી  આગ વરસાવી રહી છે. કમોસમી વરસાદે કારણે વાતાવરણમાં ઠંડકની લહેર ફરી વળી હતી.  પરંતુ હવે અંગ દઝાડતી ગરમીનો અનુભવ થઇ રહ્યો છે.  આંશિક રાહત મળ્યા બાદ ધીમે-ધીમે તાપમાન  વધી રહ્યું છે.. બીજી તરફ હવામાન વિભાગ દ્વારા આગાહી કરવામાં આવી છે કે, આગામી દિવસોમાં રાજ્યભરમાં ગરમીનો પ્રકોપ વધશે. તેમજ અમદાવાદ સહિત આસ-પાસના વિસ્તારોમાં યલો એલર્ટની આગાહી કરવામાં આવી છે. 

ગુજરાતમાં 5 દિવસ હિટવેવની આગાહી

હવામાન વિભાગે આાગહી કરતા જણાવ્યું છે કે રાજ્યમાં આગામી પાંચ દિવસ હિટવેવની આગાહી કરવામાં આવી છે. ઉત્તર ગુજરાત, સૌરાષ્ટ્રમાં 2 દિવસ હિટવેવની આગાહી કરવામાં આવી છે. 28 એપ્રિલે ઉત્તર ગુજરાત, સૌરાષ્ટ્ર અને કચ્છમાં હિટવેવની આગાહી કરવામાં આવી છે. હિટવેવ દરમિયાન તાપમાનનો પારો 44 ડિગ્રી સુધી પહોંચી શકે છે તેમ જણાવ્યું હતું.  તો અમદાવાદમાં યલો એલર્ટ યથાવત જોવા મળ્યું છે.

અનેક જિલ્લાઓમાં ગરમીનો પારો પહોંચી શકે આસમાને 

હવામાન વિભાગ દ્વારા કરવામાં આવેલી આગાહી પ્રમાણે,સુરત, વલસાડ, પોરબંદર, ભાવનગર, જૂનાગઢ, કચ્છ તથા ગાંધીનગર, વડોદરા, સુરેન્દ્રનગર, રાજકોટ અને અમરેલીમાં લૂ લાગવાની સંભાવના છે. તો આવતીકાલે રાજ્યના કચ્છ, અને દક્ષિણ ગુજરાતમાં હીટવેવની પણ આગાહી કરવામાં આવી છે. 

રાજ્યમાં કાળઝાળ ગરમીના પ્રકોપના કારણે 5 શહેરોનું તાપમાન 42 ડિગ્રીને પાર

ઉલ્લેખનીય છે કે, છેલ્લા બે દિવસો દરમિયાન રાજ્યના વાતાવરણ અચાનક પલટો આવતા અનેક શહેરોમાં વરસાદી માહોલ સર્જાયો હતો. તેના લીધે ઉનાળામાં ગરમીની જગ્યાએ રાજ્યમાં ઠંડક પ્રસરી ગઈ હતી. જેના લીધે ગરમીથી બે દિવસ લોકોને રાહત મળી હતી. જો કે, વાતાવરણમાં પુનઃ વાદળો હટતાની સાથે ગરમીનો પ્રકાપ શરૂ થવા લાગ્યો છે. બીજી તરફ શુક્રવારે રાજ્યના 5 શહેરોનું મહત્તમ તાપમાન 42 ડિગ્રીને પાર પહોંચી જવા પામ્યું હતું. જેમાં ગાંધીનગર, અમરેલી, રાજકોટ, કંડલા, કેશોદમાં 42 ડિગ્રી  જ્યારે અમદાવાદમાં 41.9,વડોદરામાં 41.4 ડિગ્રી તાપમાન નોધાયું હતું.