આગાહી / દક્ષિણ પશ્ચિમ અરબી સમુદ્રમાં લો પ્રેશર, ગુજરાતમાં આ તારીખે પડી શકે વરસાદ

• દક્ષિણ પશ્ચિમ અરબી સમુદ્રમાં લો પ્રેશર
• રાજ્યમાં વરસાદની આગાહી 
• 4 ડિસેમ્બરે પડી શકે વરસાદ 

આણંદ, સુરત, ભરૂચ, વડોદરામાં વરસાદ પડી શકે છે. જ્યારે નર્મદા, વલસાડ, નવસારી,  ભાવનગર, અમરેલી, ગીર સોમનાથમાં પણ વરસાદ પડી શકે છે. ત્યારે વરસાદની આગાહીને લઇ માછીમારોને દરિયો ન ખેડવા સૂચના અપાઇ છે.

ચોમાસાએ લીધી વિદાય 

સત્તાવાર રીતે ચોમાસાએ ઘણા સમય પહેલાં વિદાય લઈ લીધી છે. પણ હજુ પણ ગુજરાતમાં માવઠા સ્વરૂપે વરસાદ વરસી રહ્યો છે. પહેલાં ગુજરાતમાં વાવાઝોડાની અસરને કારણે વાતાવરણમાં પલટો આવ્યો હતો.

રાજ્યમાં ગુલાબી ઠંડીનું વાતાવરણ 

જેને કારણે ગુજરાતના અનેક જિલ્લાઓમાં વરસાદ વરસ્યો હતો. પરંતુ હવે શિયાળાએ દસ્તક દઈ દીધી છે. રાજ્યમાં ગુલાબી ઠંડીની શરૂઆત થઈ ચૂકી છે. તેમ છતાં ફરીવાર હવામાન વિભાગ દ્વારા વરસાદની આગાહી કરવામાં આવી છે. 

હિમાલયમાં વેસ્ટર્ન ડિસ્ટબન્સની સંખ્યા વધી

હિમાલયના દક્ષિણ ભાગમાં વેસ્ટર્ન ડિસ્ટબન્સની સંખ્યામાં વધારો થયો છે જેને પગલે ડિસેમ્બરથી ફેબ્રુઆરી દરમિયાન આવા ચાર-પાંચ ડિસ્ટબન્સ આવવાની શક્યતાને પગલે પહાડો પર હિમવર્ષા થવાની શક્યતા છે. મેદાની રાજ્યોમાં ઠંડીનો ચમકારો જોવા મળશે.