એલર્ટ / દિલ્હીમાં ઠંડીએ તોડ્યો 10 વર્ષનો રેકોર્ડ, પારો 3 ડિગ્રી સુધી પહોંચતા ઓરેન્જ એલર્ટ થયું જાહેર

• દિલ્હીમાં ઠંડીએ તોડ્યો 10 વર્ષનો રેકોર્ડ
• 3 ડિગ્રી સુધી પહોંચ્યું તાપમાન
• મહિનાના અંતમાં 2 ડિગ્રી સુધી ગગડી શકે પારો

 
હવામાન વિભાગે વધાર્યું દિલ્હીવાસીઓનું ટેન્શન

હવામાન વિભાગે દિલ્હીમાં વધતી ઠંડીને લઈને આવનારા દિવસો માટે ઓરેન્જ એલર્ટ જાહેર કર્યું છે. શુક્રવારે દિલ્હીમાં ઠંડીની સાથે પવનો પણ ફૂંકાશે. ભારતમાં અનેક જગ્યાઓએ પહાડોમાં બરફ જામી ચૂક્યો છે. તો દિલ્હી એનસીઆરમાં તાપમાન 3 ડિગ્રી પહોંચ્યું છે. આ છેલ્લા 10 વર્ષનું સૌથી નીચું તાપમાન છે. 2011માં 16 ડિસેમ્બરે તાપમાન 5 ડિગ્રી રહ્યું હતું. જે રીતે પારો આ વર્ષે ઝડપથી ગગડી રહ્યો છે એ રીતે તે શૂન્યથી પણ નીચે જવાની શક્યતાઓ સેવાઈ રહી છે.  
 

Delhi's air quality in the 'poor' category, as per System of Air Quality and Weather Forecasting And Research

IMD forecasts a maximum temperature of 16 degrees Celsius and a minimum temperature of 3 degrees Celsius in the national capital today. pic.twitter.com/1c8fOSmOdB

— ANI (@ANI) December 18, 2020

દિલ્હીમાં 1 ડિગ્રી સુધી જશે પારો?

ડિસેમ્બરમાં દિલ્હીની ઠંડીએ રેકોર્ડ તોડ્યો છે. ગયા વર્ષે 28 ડિસેમ્બરે તાપમાન 2.4 ડિગ્રી હતું. 2013માં 23 ડિસેમ્બરે 2.4 અને 2014માં ડિસેમ્બરમાં પારો 3 ડિગ્રી પહોંચ્યો હતો. આ વર્ષે જે રીતે ઠંડી વધી રહી છે તે રીતે આવનારા અઠવાડિયે પારો 2 ડિગ્રીથી પણ નીચે જવાની શક્યતાઓ છે. 

કોને કહેવાય છે ઠંડા દિવસો

રાષ્ટ્રીય રાજધાનીમાં ગુરુવારે ઠંડો દિવસ રહ્યો. અહીં વધારેમાં વધારે સામાન્યથી 7 ડિગ્રી નીચે 15.2 ડિગ્રી સેલ્સિયસ તાપમાન નોંધાયું હતું. આ સીઝનનું સૌથી નીચું તાપમાન હતું. ભારતના હવામાન વિભાગે જાણકારી આપી છે કે  ઠંડો દિવસ ત્યારે કહેવાય છે કે જ્યારે ન્યૂનતમ તાપમાન 10 ડિગ્રી સેલ્સિયસથી નીચું અને અધિકતમ તાપમાન 4.4 ડિગ્રીથી ઓછું હોય છે. પશ્ચિમ હિમાલયથી આવતી બર્ફિલી હવાઓ સતત દિલ્હીમાં ચાલી રહી છે. 
 

દિલ્લીમાં રેકોર્ડબ્રેક ઠંડી 

• દિલ્લીમાં ઠંડીએ તોડ્યો 10 વર્ષનો રેકોર્ડ
• દિલ્લીમાં આજે 3 ડિગ્રી સુધી ગગડી શકે છે તાપમાન
• મહિનાના અંત સુધીમાં દિલ્લીમાં 2 ડિગ્રીનું ટોર્ચર સહન કરવું પડી શકે
• ગુરુવારે દિલ્લીમાં 3.5 ડિગ્રી તાપમાન નોંધાયું હતું
• દિલ્લીમાં આ સિઝનમાં ઠંડીએ 10 વર્ષનો રેકોર્ડ તોડી દીધો
• આ પૂર્વે 2011માં 16 ડિસેમ્બરે 5 ડિગ્રી તાપમાન નોંધાયું હતું
• દિલ્લીમાં ગત વર્ષ 28 ડિસેમ્બરે પારો 2.4 ડિગ્રી સુધી પહોંચી ગયો હતો
• ત્યારે આ વર્ષે ડિસેમ્બરના છેલ્લા સપ્તાહમાં પારો 2 ડિગ્રીથી પણ નીચે જઈ શકે છે
• પહાડોમાં તાપમાન શૂન્યથી પણ નીચે પહોંચ્યું
• કાશ્મીરમાં પણ જળાશયોમાં જામ્યો બરફ
• માઉન્ટ આબુમાં -1 ડિગ્રી સુધી પહોંચ્યું તાપમાન
• પંજાબ અને હરિયાણામાં પણ તાપમાન ઘટતાં ઠંડી વધી
• ચંડીગઢમાં તાપમાન 5.1 ડિગ્રી રહ્યું