Delhi-NCRમાં આજે સવારથી જ વરસાદની શરૂઆત થઈ ચૂકી છે. આ સિવાય નોઈડા અને ગ્રેટર નોઈડામાં પણ જોરદાર વરસાદ થઈ રહ્યો છે. જેના કારણે અહીં ઓરેન્જ એલર્ટ અપાયું છે.
આ કારણે ભર ભાદરવે મેઘની રેલમછેલ
Delhi-NCRમાં વરસાદ અનરાધાર
હવામાન વિભાગે જાહેર કર્યું ઓરેન્જ એલર્ટ
India Meteorological Department (IMD) issues orange alert in Delhi. Heavy rain and strong winds expected in the National Capital. pic.twitter.com/RllgpwOeQt
દિલ્હી એનસીઆરમાં આજે સવારથી વરસાદની શરૂઆત થઈ છે. આ સિવાય નોઈડા અને ગ્રેટર નોઈડામાં પણ જોરદાર વરસાદ થઈ રહ્યો છે. ગાઝિયાબાદ અને ફરીદાબાદમાં પણ સામાન્ય વરસાદની સાથે હવામાનનો મિજાજ બદલાયો છે. તો અન્ય તરફ હવામાન વિભાગે દિલ્હી એનસીઆરમાં આગાહી સાથે ઓરેન્જ એલર્ટની જાહેરાત કરી છે. આ સાથે ગુજરાત, છત્તીસગઢ, મધ્યપ્રદેશ, પ. બંગાળ, ઓરિસ્સા, રાજસ્થાન, પશ્ચિમી ઉત્તરપ્રદેશ સહિતના અનેક મેદાની વિસ્તારોમાં આજે વરસાદની શક્યતા છે. હવામાન વિભાગે દિલ્હીમાં 30-40 કિમી પ્રતિ કલાકની સ્પીડે હવા ચાલવાની સાથે જોરદાર વરસાદની શક્યતા જણાવી છે જેના કારણે લોકોએ મુશકેલીનો સામનો કરવો પડી શકે છે. આ સાથે રાજધાનીમાં તાપમાનમાં ઘટાડો પણ જોવા મળી શકે છે. હવામાન વિભાગના અનુસાર તાપમાનમાં 5 ડિગ્રી સેલ્સિયસનો ઘટાડો આવી શકે છે.
દિલ્હીમાં કેટલો પડ્યો વરસાદ
હવામાન વિભાગે કહ્યું કે આ વખતે દિલ્હીમાં 1146 મીમીનો વરસાદ નોંધાયો છે. જે 46 વર્ષમાં સૌથી વધારે છે. આ પહલા 1975માં દિલ્હીના સફદરજંગમાં 1155 મીમીનો વરસાદ થયો છે. આવનારા દિવસોમાં દિલ્હીમાં વરસાદની શક્યતાની સાથે આ રેકોર્ડ તૂટી શકે છે. આ સમયે ભારે વરસાદના કારણે દિલ્હીમાં પાણી ભરાવવાની સ્થિતિને લઈને લોકોને મુશ્કેલીનો સામનો કરવો પડી રહ્યો છે.
આ કારણે પડી રહ્યો છે વરસાદ
ઉલ્લેખનીય છે કે આ સમયે હવામાનની પરિસ્થિતમાં ફેરફાર થઈ રહ્યા છે અને હિંદ મહાસાગરમાં 2 મોસમી પરિસ્થિતિની સક્રિય થવાના કારણે દિલ્હી નહીં ઉત્તર ભારત અને મધ્ય ભારતના રાજ્યોમાં પણ અસર જોવા મળી રહી છે. જુલાઈ- ઓગસ્ટમાં ભારે વરસાદ સપ્ટેમ્બરમાં જોવા મળ્યો છે. હવામાન વિભાગના અનુસાર ગયા વર્ષની તુલનામા નવો રેકોર્ડ સ્થાપિત થઈ શકે છે.