બસ કરો મેઘરાજા / રાજ્યમાં આ તારીખોમાં પડશે વરસાદ હવામાન વિભાગની આગાહી

• રાજસ્થાનથી ગુજરાત તરફ ડિસ્ટરબન્સના કારણે ગુજરાતમાં ભારેથી અતિભારે વરસાદ
• 14 નવેમ્બરે બનાસકાંઠા, પોરબંદરમાં સામાન્ય વરસાદની આગાહી
• મધ્ય ગુજરાત અને કચ્છ બાદ સૌરાષ્ટ્રમાં પણ વરસાદી ઝાપટા

રાજસ્થાનથી ગુજરાત તરફ ડિસ્ટરબન્સના કારણે ગુજરાતમાં ભારેથી અતિભારે વરસાદ થઈ શકે છે. 15 નવેમ્બરથી આમ તો રાજ્યમાં સત્તાવાર રીતે શિયાળો શરૂ થઈ રહ્યો છે પરંતુ શિયાળાની શરૂઆત પહેલા બે દિવસ સામાન્યથી મધ્યમ વરસાદની આગાહી છે. 

મધ્ય ગુજરાત થશે વરસાદ
મધ્ય ગુજરાતમાં હલકાથી ભારે વરસાદી ઝાપટા થસે. જેમાં વલસાડ, નવસારી, સહિતના વિસ્તારોમાં શિયાળામાં વરસાદ રમઝટ બોલાવશે. 

કચ્છમાં વરસાદ થાય તેવી શક્યતા
કચ્છડો બારેમાસ વાળી ઉક્તિ જાણે સાચી પડી રહી હોય તેમ આ વર્ષે કચ્છમાં પુરતો વરસાદ થઈ ગયા બાદ પણ હજુ વરસાદ વરસશે. 

13 તારીખે સૌરાષ્ટ્રમાં જશે વરસાદ
મધ્ય ગુજરાત અને કચ્છ બાદ સૌરાષ્ટ્રમાં પણ વરસાદી ઝાપટા થશે. મોરબી, રાજકોટ, જામનગરમાં 13 તારીખે વરસાદ થવાની શક્યતા સેવાઈ રહી છે. 

બનાસકાંઠા અને પોરબંદરમાં પણ વરસાદ
14 નવેમ્બરે બનાસકાંઠા, પોરબંદરમાં સામાન્ય વરસાદની આગાહી કરવામાં આવી છે આ સાથે જ દરિયાઈ વિસ્તાર માટે કોઈ આગાહી નથી પરંતુ શરૂ થઈ રહેલા શિયાળામાં વિચિત્ર વાતાવરણનો અહેસાસ થશે.