હવામાન વિભાગ / ગુજરાતમાં ભારે વરસાદની આગાહી વચ્ચે સુરતના અનેક વિસ્તારોમાં ધોધમાર વરસાદ

• સુરત શહેરમાં વરસ્યો ધોધમાર વરસાદ
• અડજણ, રાંદેર, અઠવાલઈન્સમાં વરસાદ
• નાનપુર, ભાગળ, પર્વતપાટિયા વરસાદ

પ્રાપ્ત મળતી માહિતી અનુસાર સુરત શહેરમાં મેઘરાજાએ ધમાકેદાર એન્ટ્રી કરી છે. શહેરના અડજણ, રાંદેર, અઠવાલઈન્સમાં તેમજ નાનપુર, ભાગળ, પર્વતપાટિયામાં, ઉધના, પાંડેસરા, વરાછામાં  અનરાધાર વરસાદના કારણે અનેક વિસ્તારમાં પાણી ભરાઇ ગયા છે.

ઉલ્લેખનીય છે કે હવામાન વિભાગ દ્વારા રાજ્યમાં આજે ભારે વરસાદની આગાહી કરવામાં આવી છે. સૌરાષ્ટ્ર અને દ.ગુજરાતમાં ભારે વરસાદ પડી શકે છે. જ્યારે ઉત્તર અને મધ્ય ગુજરાતમાં છુટાછવાયા વરસાદની આગાહી કરવામાં આવી છે.

નવસારી, વલસાડ, સુરત, ભરૂચમાં વરસાદ પડી શકે છે. રાજ્યમાં રાજકોટ, ભાવનગર, અમરેલી, સુરેન્દ્રનગર, મોરબીમાં વરસાદની શક્યતા છે. જ્યારે અમદાવાદ, ગાંધીનગરમાં વરસાદી ઝાપટાની આગાહી કરવામાં આવી છે.