કમોસમી વરસાદ / મોટા સમાચાર: ગુજરાત માટે આગામી 48 કલાક 'ભારે', જાણો હવામાન વિભાગે શું કરી આગાહી

• ગુજરાતના માથે આગામી 48 કલાક ભારે 
• હવામાન વિભાગે કરી મોટી આગાહી 
• 21 નવેમ્બર સુધી રાજ્યમાં રહેશે કમોસમી વરસાદ 

ગુજરાતમાં ગઈકાલે તેમજ આજે ઘણા બધા જિલ્લાઓમાં કમોસમી વરસાદ પડ્યો. ત્યારે આ વરસાદને લઈને હવામાન વિભાગ દ્વારા મોટી આગાહી કરવામાં આવી છે. જેના કારણે જગતનો તાત હાલ ચિંતામાં મુકાઈ ગયો છે. આગામી 48 કલાક માટે  રાજ્યમાં કમોસમી વરસાદ રહેવાનો છે. જેના કારણે ખેડૂતોને તેમના પાકની ચિંતા થઈ રહી છે. 

2 દિવસ રાજ્યમાં વરસાદી વાતાવરણ રહેશે 

હવામાન વિભાગની આગાહી પ્રમાણે રાજ્યમાં હજુ પણ 2 દિવસ સુધી વરસાદી વાતાવરણ રહેશે. જેના કારણે ખેડૂતો તેમના શિયાળું પાકને લઈને ચિંતામાં મુકાઈ ગયા છે. વેસ્ટર્ન ડિસ્ટર્બન્સને કારણે રાજ્યના દરેક જિલ્લાઓમાં હળવો વરસાદ આવવાની સંભવના છે. 

અરબી સમુદ્રમાં લો પ્રેશરને વાતાવરણમાં બદલાવ 

આપને જણાવી દઈએ કે પૂર્વી મધ્ય તેમજ અરબી સમુદ્રમાં સર્જાયેલા લો પ્રેશરના કારણે વાતાવરણમાં બદલાવ આવી શકે છે. રાજ્યમાં પવનની ગતિ પણ સામાન્ય કરતા વધારે રહેશે. જેથી આ બે દિવસમાં રાજ્યમાં કમોસમી વરસાદને કારણે ઠંડીનું પ્રમાણ પણ વધવાની પુરી શક્યતા વર્તાઈ રહી  છે. 

45 તાલુકાઓમાં કમોસમી વરસાદ 

ઉલ્લેખનીય છે હવામાન વિભાગ દ્વારા 21 નવેમ્બર સુધી રાજ્યમાં વરસાદની આગાહી કરવામાં આવી છે. આજ ની વાત કરીએ તો આજે રાજ્યના કુલ 45 તાલુકાઓમાં કમોસમી વરસાદ પડ્યો છે. જોકે આ કમોસમી વરાસદને કારણે ખેડૂતોના માથે ચિંતાના વાદળો છવાઈ ગયા છે. કારણકે તેમનો શિયાળું પાક આ વરસાદને કારણે પૂરો નાશ પામે તેવી શક્યતા સેવાઈ રહી છે.