હવામાન / આગામી 3 દિવસ ભારેથી અતિભારે વરસાદની આગાહી, સૌરાષ્ટ્ર-કચ્છમાં સારા વરસાદની શક્યતા

સાયક્લોનિક સરક્યુલેશન સિસ્ટમ સક્રિય હોવાના કારણે ગુજરાતમાં ત્રણ દિવસ ભારેથી અતિભારે વરસાદની આગાહી હવામાન વિભાગે કરી છે. વરસાદી સિસ્ટમ સક્રિય થતા સૌરાષ્ટ્ર અને કચ્છમાં સારા વરસાદની શક્યતા છે. 10 તારીખથી વરસાદી સિસ્ટમ થતા રાજ્યમાં સામાન્ય વરસાદ રહેશે. ત્યારે માછીમારોને દરિયો ન ખેડવા સૂચના અપાઈ છે. અમદાવાદમાં પણ સામાન્યથી મધ્ય વરસાદની આગાહી કરાઇ છે.

ગુજરાતના મોટાભાગના જિલ્લામાં ભારે વરસાદ 

નવસારી, વલસાડ, દમણ, જુનાગઢ, અમરેલી, ભાવનગર, ગીર સોમનાથ, દીવ, સુરત, ડાંગ, તાપી, વડોદરા, નર્મદા, ભરૂચ, છોટા ઉદેપુર, વડોદરા, પંચમહાલ, દાહોદ, રાજકોટ, જામનગર, મોરબી, ખેડા, મહિસાગર, કચ્છ, પરોબંદર, દ્વારકા, અમદાવાદ, આણંદ સહિતના જિલ્લામાં ધોધમાર વરસાદ વરસી ચૂક્યો છે. ત્યારે હજુ ભારેથી અતિભારે વરસાદ થશે.

ગુજરાત માટે આનંદના સમાચાર છે કે ગુજરાતમાં સિઝનનો સરેરાશ 103 ટકા વરસાદ નોંધાયો છે. અને હજી પણ ચોમાસાની સિઝનના થોડા દિવસ બાકી છે. ત્યારે ગુજરાત પર વરસાદી સિસ્ટમ સક્રિય છે. જેના કારણે આગામી 3 દિવસ ભારેથી અતિભારે વરસાદની આગાહી કરવામાં આવી છે. ગુજરાતના અનેક જિલ્લામાં ભારે વરસાદ પડવાનું હવામાન વિભાગનું અનુમાન છે. 

જોકે ગુજરાતમાં 103 ટકા વરસાદ નોંધાયો છે. હવે ગુજરાતમાં કોઈ પણ જિલ્લામાં પાણીની ઘટ રહી નથી. જે રીતે ચાલુ વર્ષે વરસાદ થવાના કારણે ખેતીના પાકને પણ ફાયદો થયો છે. આ વર્ષે મેઘરાજાના આગમનથી ખેડૂતો માટે સૌથી મોટી રાહત બની રહેશે.