કોરોના વાયરસે સમગ્ર દેશમાં સહિત ગુજરાતમાં હાહાકાર મચાવ્યો છે. રાજ્યમાં એક તરફ કોરોનાનો કહેર યથવાત જોવા મળી રહ્યો છે ત્યારે બીજી તરફ ગરમીનો પ્રકોપ વધી રહ્યો છે. કોરોનાની સાથે સાથે ગરમીનો વધતો જતો પારો લોકોની મુશ્કેલીઓમાં વધારો કરી રહ્યો છે. ત્યારે અમદાવાદમાં હવામાન ખાતાએ રેડ એલર્ટ જાહેર કર્યું છે.
રાજ્યમાં ગરમીને લઇ હવામાન વિભાગની આગાહી
અમદાવાદમાં ગરમીને લઇ રેડ અલર્ટ જાહેર
આજે અમદાવાદમાં ગરમી 44થી 45 ડિગ્રી રહેવાની શક્યતા
રાજ્યમાં એક તરફ કોરોના વાયરસનો ખતરો સતત વધી રહ્યો છે, તો બીજી તરફ ગરમીનો પારો પણ વધી રહ્યો છે. રાજ્યમાં ગરમીને લઇ હવામાન વિભાગે આગાહી કરી છે. અમદાવાદમાં ગરમીને લઇ રેડ અલર્ટ જાહેર કરવામાં આવ્યું છે.
આજે અમદાવાદ શહેરમાં ગરમી 44થી 45 ડિગ્રી રહેવાની શક્યતા છે. જ્યારે રાજકોટ, સુરત, ભાવનગરમાં પણ ગરમીનો કહેર યથાવત રહેશે. ઉત્તર-પૂર્વના ગરમ પવનો ફૂંકાતા ગરમીમાં વધારો થશે.
હાલ રાજ્યમાં લોકડાઉન હોવાથી કોઈ બહાર નીકળતું નથી. પરંતુ ઘરમાં રહેલા લોકોને અસહ્ય ગરમીનો સામનો કરવો પડી રહ્યો છે. આ સાથે જ રાજ્યમાં ગરમીનો પ્રકોપ આગામી બે ત્રણ દિવસ વધશે તેવી હવામાન વિભાગે આગાહી કરી છે.
આમ એક તરફ દેશભર સહિત ગુજરાતમાં જ્યાં કોરોના વાયરસનો હાહાકાર જોવા મળી રહ્યો છે ત્યારે હવામાન વિભાગ દ્વારા રાજ્યમાં આગામી સમયમાં હિટવેવની સંભાવના વ્યક્ત કરી છે. જેને લઇને રાજ્યભરમાં ગરમ પવન ફૂંકાવાની શક્યતા છે.