Heat and unseasonal rain forecast: ગુજરાતમાં આકરા તાપની સાથે સાથે કમોસમી વરસાદની પણ હવામાન વિભાગ દ્વારા આગાહી કરવામાં આવી છે. આજે રાજ્યના આ વિસ્તારમાં વરસાદ ખાબકી શકે છે.
ગુજરાતના ખેડૂતો માટે ફરી માઠા સમાચાર
રાજ્યના અમુક ભાગમાં વરસાદની આગાહી
અમદાવાદમાં રહેશે વાદળછાયું વાતાવરણ
રાજ્યમાં ફરી કમોસમી વરસાદને લઈ હવામાન વિભાગે આગાહી કરી છે. હવામાન વિભાગે જણાવ્યું છે કે, આગામી 5 દિવસ સુધી વાતાવરણ સૂકું રહેશે. આજે સૌરાષ્ટ્ર, કચ્છ અને દક્ષિણ ગુજરાતમાં કમોસમી વરસાદની આગાહી છે. અમરેલી, ભાવનગર, સુરત, નવસારી, વલસાડમાં ગાજવીજ અને ભારે પવન સાથે વરસાદની શક્યતાઓ છે.
15 અને 16 એપ્રિલે અમદાવાદમાં યલો એલર્ટ
હવામાન વિભાગ દ્વારા ગરમીને લઈને પણ આગાહી કરવામાં આવી છે. 15 અને 16 એપ્રિલે અમદાવાદમાં યલો એલર્ટ જાહેર કરાયું છે. 15 એપ્રિલથી અમદાવાદમાં ગરમી વધવાની શક્યતા છે. હવામાન વિભાગની આગાહી મુજબ આગામી 5 દિવસ સુધી સૂકું વાતાવરણ રહે અને આજે સૌરાષ્ટ્ર અને કચ્છમાં કમોસમી વરસાદ પડે તેવા સંજોગો જણાઈ રહ્યા છે. આપને જણાવી દઈએ કે ગઈકાલે અમદાવાદ, સુરેન્દ્રનગર અને રાજકોટમાં તાપમાનનો પારો 41 ડિગ્રીને આંબી જતા લોકોને આકરો તાપ સહન કરવાનો વારો આવ્યો હતો.
હવામાન વિભાગે શું આગાહી કરી?
- આગામી 5 દિવસ સુધી સૂકું રહેશે વાતાવરણ
- સૌરાષ્ટ્ર અને કચ્છમાં કમોસમી વરસાદની આગાહી
- અમરેલી, ભાવનગરમાં વરસાદની આગાહી કરવામાં આવી
- સુરત, નવસારી, વલસાડમાં વરસાદની શક્યતા
- અમદાવાદમાં રહેશે વાદળછાયું વાતાવરણ
- ગરમીને લઈને પણ આગાહી કરાઈ
- 15 અને 16 એપ્રિલે અમદાવાદમાં યલો એલર્ટ જાહેર