હવામાન વિભાગ / ગુજરાતમાં વરસાદની આગાહી વચ્ચે છેલ્લા 24 કલાકમાં 57 તાલુકામાં મેઘમહેર

• રાજ્યમાં છેલ્લા 24 કલાકમાં 57 તાલુકામાં વરસાદ
• સૌથી વધુ અમરેલીના વડિયામાં પોણા બે ઈંચ વરસાદ
• જૂનાગઢ અને રાજુલામાં દોઢ-દોઢ ઈંચ વરરસાદ

રાજ્યમાં છેલ્લા 24 કલાકમાં 57 તાલુકામાં વરસાદ નોંધાયો છે. રાજ્યમાં સૌથી વધુ અમરેલીના વડિયા તાલુકામાં પોણા બે ઈંચ વરસાદ નોંધાયો છે. જૂનાગઢમાં દોઢ ઈંચ, રાજુલામાં દોઢ ઈંચ, મહેમદાવાદમાં સવા ઈંચ, થરાદમાં સવા ઈંચ, સાણંદમાં 1 ઈંચ, વાઘોડિયામાં 1 ઈંચ, ધ્રાંગધ્રામાં 1 ઈંચ, કવાંટમાં 1 ઈંચ, વાંકાનેરમાં પોણો, અમદાવાદમાં પોણો ઈંચ, આણંદમાં પોણો ઈંચ, જસદણમાં પોણો ઈંચ, ધોળકામાં પોણો ઈંચ અને ધાનેરામાં પોણો ઈંચ વરસાદ નોંધાયો છે.

દક્ષિણ ગુજરાત, સૌરાષ્ટ્રમાં વરસાદની આગાહી

રાજ્યમાં મધ્યમથી ભારે વરસાદની હવામાન વિભાગે આગાહી કરી છે. અમદાવાદમાં આગામી 30 કલાક મધ્યમ વરસાદની આગાહી કરવામાં આવી છે. દક્ષિણ ગુજરાત, સૌરાષ્ટ્રમાં પણ વરસાદની આગાહી કરાઇ છે. મહેસાણા, સાબરકાંઠામાં ભારે વરસાદની શક્યતા છે. બનાસકાંઠા, અરવલ્લીમાં ભારે વરસાદ પડી શકે છે...અરબી સમુદ્રમાં લો પ્રેશર સિસ્ટમ સક્રિય થઇ છે.