પલટો / ઉત્તર ભારતમાં કડકડતી ઠંડી શરૂ, 11 ડિસેમ્બરથી શીતલહેર શરૂ થવાની આશંકા

• ઉત્તર ભારતમાં કડકડતી ઠંડી
• લદાખ, દ્વાસમાં માઈનસ 25 ડિગ્રી તાપમાન
• કશ્મીર ઘાટીમાં માઈનસ 3.5 ડિગ્રી તાપમાન

હવામાનમાં આવેલા ફેરફારના કારણે સતત બીજા દિવસે પણ કાશ્મીર ઘાટીનો સંપર્ક તૂટ્યો હતો. હિમાચલ પ્રદેશના રોહતાંગ પર 19 દિવસથી બંધ થયેલી વાહનોની અવર જવર રવિવારે શરૂ થઈ હતી. જે બરફના કારણે ફરીથી બંધ કરવાની ફરજ પડી હતી.

સીઝનની સૌથી ઠંડી રાત

કાશ્મીર ઘાટીમાં ધુમ્મસના કારણે શ્રીનગરમાં સામાન્યથી 3.5 ડિગ્રી નીચેના તાપમાનની સાથે આ સીઝનની સૌથી ઠંડી રાત હતી. ડલ ઝીલની આસપાસના જળ સ્ત્રોત અને પાઈપલાઈનો પર બરફ જામ્યો હતો અને પેયજળનો સપ્લાય પણ પ્રભાવિત થયો હતો. 

ક્યાં કેટલો ગગડ્યો પારો

પર્યટન સ્થળ પહલગામમાં સૌથી વધારે ઠંડી રહી હતી. ગુલમર્ગમાં માઈનસ 5.6 ડિગ્રી તાપમાન અને માતા વૈષ્ણોદેવીના કટરામાં ન્યૂનતમ તાપમાન 8.2 ડિગ્રી, જમ્મૂમાં તાપમાન 8 ડિગ્રી નોંધાયું હતું.  દિલ્હીમાં રવિવારે ધુમ્મનસાના કારણે પારો 8.7 ડિગ્રી પહોંચ્યો. પંજાબમાં 4 ડિગ્રી, હરિયાણના કરનાલમાં 6.2 ડિગ્રી, અમૃતસરમાં 5.7 ડિગ્રી, ભટિંડામાં 5.9 ડિગ્રી, લુધિયાણામાં 6.9 ડિગ્રી, હિસારમાં 7.1 ડિગ્રી અને રોહતકમાં 7.8 ડિગ્રી, નારોમાં 7 ડિગ્રી અને સરસામાં 7.4 ડિગ્રીનું તાપમાન નોંધાયું હતું. 

ફલાઈટને થઈ મોટી અસર

ધુમ્મસ અને ઓછી વિઝિબિલિટીના કારણે શ્રીનગર આંતરરાષ્ટ્રિય એરપોર્ટથી 28 ફ્લાઈટ રદ થઈ હતી. વિમાનોના લેન્ડિંગ માટે 1200 મીટરના માનકના બદલે 600 મીટરથી પણ ઓછી વિઝિબિલિટી મળી રહી છે. જ્મ્મૂ -શ્રીનગર રાષ્ટ્રીય રાજમાર્ગ પર પણ કામગીરી ચાલુ હોવાથી ફ્લાઈટ્સ કેન્સલ કરવામાં આવી છે. 

11 ડિસેમ્બરથી શીતલહેરની આશંકા

ભારતીય હવામાન વિભાગે 10 ડિસેમ્બરથી પશ્ચિમી વિક્ષોભની અસર હોવાની સંભાવના વ્યક્ત કરી છે. હવામાન વિભાગના અનુસાર 11 અને 12 ડિસેમ્બરે ઉત્તર ભારતના પહાડી વિસ્તારોમાં ભારે બરફવર્ષા થઈ શકે છે. આ સાથે તાપમાનમાં પણ ઘટાડો થશે. ભારે વરસાદ, પવન અને ઉંચી લહેરો ઉઠવાની પણ સંભાવના સમુદ્રી વિસ્તારો માટે રાખવામાં આવી રહી છે.