Weather Alert / આજે આ રાજ્યના 9 જિલ્લાઓમાં મેઘગર્જના સાથે થઈ શકે છે ભારે વરસાદ

• રાજસ્થાનમાં 9 જિલ્લાઓમાં આજે વરસાદ
• ભારે પવન અને ગાજવીજ સાથે વરસાદની શક્યતા
• હવામાન વિભાગે આપી છે આ આગાહી

હવામાન વિભાગના અનુસાર આજે 9 જિલ્લામાં મેઘગર્જના અને વરસાદની શક્યતા છે. હવામાન વિભાગના અનુસાર અલવર, ભરતપુર, ઘોલપુર, કરૌલી, દૌસા, ઝૂંઝૂનું, સીકર, પાલી અને ચૂરું જિલ્લામાં વરસાદ થઈ શકે છે. મોનસૂન નબળું પડવાના કારણે હવામાન વિભાગે આજે ભારે વરસાદની આગાહી કરી નથી. શુક્રવારે અનેક જિલ્લામાં ગરમી અને બફારાએ લોકોને મુશ્કેલીમાં મૂક્યા હતા. બાંસવાડા અને અન્ય જિલ્લામાં સારો વરસાદ નોંધાયો છે. 

15 જિલ્લાઓમાં મેઘગર્જના સાથે વરસાદની શક્યતા

ઉલ્લેખનીય છે કે આ પહેલાં હવામાન વિભાગે કહ્યું હતું કે શુક્રવારે પ્રદેશના 15 જિલ્લામાં મેઘગર્જના સાથે વરસાદ થઈ શકે છે. તેમાં અજમેર, બાંસવાડા, બાંરા, બૂંદી, ચિતોડગઢ, ઘોલપુર, જયપુર, ડુંગરપુર, સવાઈ માઘોપુર, ઝાલાવાડ, ઝૂંઝૂનું, કોટા, પ્રતાપગઢ, સિરોહી, ટોંક, રાજસમંદ તથા ઉદયપુરમાં વરસાદ પડી શકે છે. હવામાન વિભાગે 2 જિલ્લામાં ભારે વરસાદની ચેતવણી આપી છે. તેમાં મેવાડના ઉદયપુર અને રાજસમંદમાં ભારે વરસાદની શક્યતા છે. 

પ્રદેશમાં વરસાદની લહેર રહેશે કાયમ

હવામાન વિભાગના અનુસાર પ્રદેશમાં ચોમાસુ કાયમ રહેશે. આવનારા કેટલાક દિવસ ઝમાઝમ વરસાદની સ્થિતિ સાથે તાપમાન પણ નીચું રહેશે. હવામાનમાં ઠંડક પ્રસરી રહે છે અને સાથે ઠંડી હવાનો અનુભવ કરી શકાશે. મેવાડના ઉદયપુર, ભરતપુર અને જયપુર તથા અજમેરમાં સારો વરસાદ થઈ શકે છે. પશ્ચિમ રાજસ્થાનમાં હજુ પણ વરસાદની શક્યતા છે. તાપમાન સામાન્ય છે. તો અન્ય તરફ જેસલમેર, બાડમેર અને જોધપુરમાં પણ સારા વરસાદની રાહ નગરજનો જોઈ રહ્યા છે.