ગુજરાતમાં આગામી 7 જુલાઇ સુધી સામાન્યથી ભારે વરસાદને લઇને હવામાન વિભાગે આગાહી કરી છે. આમ રાજ્યમાં વરસાદને લઇને કરવામાં આવેલી આગાહી વચ્ચે છેલ્લા 24 કલાકમાં 86 તાલુકામાં વરસાદ વરસ્યો છે. જેમાં સૌથી વધુ કોડીનારમાં પોણા 6 ઇંચ વરસાદ નોંધાયો છે. જ્યારે જાફરાબાદમાં 3.5 અને લખતરમાં 3 ઇંચ વરસાદ પડયો છે.
છેલ્લા 24 કલાકમાં રાજ્યના 86 તાલુકામાં વરસાદ
સૌથી વધુ કોડીનારમાં પોણા 6 ઈંચ વરસાદ નોંધાયો
જાફરાબાદમાં 3.5 ઈંચ, લખતરમાં સવા 3 ઈંચ વરસાદ
ગુજરાતમાં ભારે વરસાદની આગાહી વચ્ચે રાજ્યમાં છેલ્લા 24 કલાકમાં 86 તાલુકામાં વરસાદ વરસ્યો છે. સૌથી વધારે કોડીનારમાં પોણા 6 ઇંચ વરસાદ ખાબક્યો છે. જ્યારે જાફરાબાદમાં 3.5 ઇંચ, લખતરમાં 3 ઇંચ વરસાદ નોંધાયો છે. વાડિયા-બાબરામાં 2.5 ઇંચ, વ્યારા-બાવળામાં 2 ઇંચ વરસાદ પડ્યો છે.
જ્યારે તલાલા-ડભોઇ-ડેડિયાપાડા-વાલિયામાં સવા 2 ઇંચ, વાંકાનેર-ઉમરપાડામાં 2 ઇંચ વરસાદ, ખાંભામાં-દસાડામાં પોણા 2 ઇંચ, આહવા-દેહગામ-વઢવાણ-નેત્રંગમાં 1.5 ઇંચ વરસાદ નોંધાયો છે. ખંભાળિયા-રાજુલા-વિરમગામ-ધ્રાંગધ્રામાં 1 ઇંચ વરસાદ નોંધાયો છે.
ધારી-સુબિર-સંતરામપુર-ડોલવણ-માલપુર અને બોડેલીમાં પોણો ઇંચ વરસાદ નોંધાયો છે. આમ રાજ્યમાં અત્યાર સુધી 15 ટકા કરતા વધુ વરસાદ નોંધાયો છે.
રાજ્યમાં આજથી 7 જુલાઈ સુધી સામાન્યથી ભારે વરસાદની આગાહી
ગુજરાતને ફરી એકવાર મેઘરાજા ઘમરોળશે. રાજ્યના કેટલાક જિલ્લામાં ફરી મેઘરાજા મંડાશે. આજથી 7 જુલાઈ સુધી રાજ્યના કેટલાક જિલ્લામાં સામાન્યથી ભારે વરસાદ પડી શકે છે. રાજ્યમાં વરસાદને લઇ હવામાન વિભાગે આગાહી કરી છે. હવામાન વિભાગનું માનીએ તો આવતીકાલથી દક્ષિણ ગુજરાત, દાદરાનગર હવેલી, સુરત, ભરૂચ અને વલસાડ સહિતના વિસ્તારોમાં વરસાદ પડી શકે છે. આ સાથે 6 અને 7 જુલાઈએ સૌરાષ્ટ્રના વિસ્તારોમાં વરસાદની શક્યતા છે.