આ વર્ષે માર્ચ મહિનામાં ઉત્તર ભારતના અનેક વિસ્તારોમાં તડામાર ગરમી પડશે. એ દરમ્યાન હવામાન વિભાગે નજીકના સમયમાં એટલે કે, આગામી 24 કલાકમાં જ આ રાજ્યોમાં સામાન્ય વરસાદ પડવાની આગાહી કરી છે.
આ વર્ષે ગરમી વધારે પડવાનું અનુમાન
આગામી 24 કલાકમાં આ રાજ્યોમાં પડશે સામાન્ય વરસાદ
કેટલાંક વિસ્તારોમાં મહત્તમ તાપમાન સામાન્ય કરતાં વધારે
તમને જણાવી દઇએ કે, આવનારા સમયમાં આગામી કેટલાંક દિવસોમાં જ ગરમી હજુ પણ વધવાના અણસાર છે. હવામાન વિભાગે તારણ કાઢતા જણાવ્યું કે, આ વર્ષે વધારે ગરમી પડશે. આગામી દિવસોમાં હવામાન સ્વચ્છ રહેવાની સાથે-સાથે તેજ ગરમી પડશે.
જમ્મુ-કાશ્મીર, લદ્દાખ, હિમાચલ પ્રદેશ અને ઉત્તરાખંડમાં પણ આજે હવામાનમાં સુધારો થવાની સંભાવના છે. આજે આ વિસ્તારોમાં હવામાન ચોખ્ખું રહેશે અને સૂર્ય પણ દેખાશે. દેશના ઘણાં ભાગોમાં હજુ પણ મહત્તમ તાપમાન સામાન્ય કરતા પાંચ ડિગ્રી અથવા તો તેનાથી વધારે છે. આસામ, મેઘાલય, ઉપહિમાલયી પશ્ચિમ બંગાળ, સિક્કિમમાં મહત્તમ તાપમાન સામાન્ય કરતાં 5 ડિગ્રી વધારે છે. હિમાચલ પ્રદેશ અને અરુણાચલ પ્રદેશમાં કેટલીક જગ્યાએ હજુ પણ આવી જ સ્થિતિ છે. નાગાલેન્ડ, મણિપુર, મિઝોરમ અને ત્રિપુરામાં પણ મહત્તમ તાપમાન સામાન્ય કરતાં ત્રણથી પાંચ ડિગ્રી વધારે છે.
પંજાબ, કોંકણ અને ગોવાના કેટલાંક વિસ્તારમાં પણ મહત્તમ તાપમાન સામાન્ય કરતાં ત્રણથી પાંચ ડિગ્રી વધુ જોવા મળી રહ્યું છે. ઉત્તરાખંડ, કચ્છ, કોસ્ટલ કર્ણાટક, ઉત્તરાખંડ, ગંગા પશ્ચિમ બંગાળ, ઓડિશા અને સૌરાષ્ટ્રમાં પણ મહત્તમ તાપમાન સામાન્ય કરતા 2થી 3 ડિગ્રી વધારે છે. પટના સહિત રાજ્યનાં અનેક ભાગોમાં મહત્તમ તાપમાન સામાન્ય કરતા એકથી બે ડિગ્રી વધારે છે.
આંદામાન અને નિકોબાર ટાપુઓ પર હળવાથી મધ્યમ વરસાદ થવાની સંભાવના
આગામી 24 કલાક દરમિયાન, આંદામાન અને નિકોબાર ટાપુઓ પર હળવાથી મધ્યમ વરસાદ અને ગાજવીજ સાથે વરસાદ થવાની સંભાવના છે. ઉત્તર-મધ્ય મહારાષ્ટ્ર, વિદર્ભ અને પૂર્વ રાજસ્થાનના ભાગો, મધ્યપ્રદેશના પશ્ચિમ ભાગો, કેરળ અને કોસ્ટલ કર્ણાટકમાં છૂટાછવાયા સ્થળોએ પણ વરસાદની શક્યતા છે.
જમ્મુ-કાશ્મીરમાં હળવા વરસાદની સાથે હિમવર્ષા થવાની પણ સંભાવના
સ્કાયમેટ વેધર અનુસાર, આંદામાન-નિકોબારમાં આજે હળવો વરસાદ પડી શકે છે. આ સાથે જ મહારાષ્ટ્ર, રાજસ્થાન, મધ્યપ્રદેશ, કેરળ અને કર્ણાટકના કેટલાંક ભાગોમાં હળવો વરસાદ થવાની સંભાવના છે. તો જમ્મુ-કાશ્મીરમાં હળવા વરસાદની સાથે-સાથે હિમવર્ષા થવાની પણ સંભાવના છે.