એશિયા કપ ફાઈનલમાં ભારતીય ચાહકોનો દાવો છે કે, તેને સ્ટેડિયમની બહાર ધકેલી દેવામાં આવ્યો હતો, કારણ કે તેણે ટીમ ઈન્ડિયાની જર્સી પહેરી હતી.
આજે પાકિસ્તાન-શ્રીલંકા વચ્ચે ફાઇનલ
ફાઈનલમાં ભારતીય સાથે ગેરવર્તન
ભારતીયોને સ્ટેડીયમ બહાર ધકેલવામાં આવ્યા
ભારતીય ફેન્સ દુનિયાભરમાં ક્રિકેટ મેચોની મજા માણવા જાય છે. હાલમાં ટી-20 એશિયા કપ 2022 યુએઈમાં રમાઈ રહ્યો છે. રવિવારે ફાઇનલ મેચમાં પાકિસ્તાન અને શ્રીલંકા (PAK vs SL) આમને-સામને છે. આ મેચમાં શ્રીલંકાની ટીમ પ્રથમ બેટિંગ કરી રહી છે. તેણે 17 ઓવરમાં 8 વિકેટે 136 રન બનાવ્યા છે. પરંતુ આ દરમિયાન અહીં મોટો વિવાદ થયો હતો. ભારતીય ચાહકોનો દાવો છે કે, તેને સ્ટેડિયમની બહાર ધકેલી દેવામાં આવ્યો હતો, કારણ કે તેણે ટીમ ઈન્ડિયાની જર્સી પહેરી હતી. આનો એક વીડિયો પણ સોશિયલ મીડિયા પર વાયરલ થઈ રહ્યો છે.
ICC અને BCCI ને તપાસ કરવા કહ્યું
આઈસીસી અને એશિયા ક્રિકેટ કાઉન્સિલને આ વીડિયોને ટેગ કરતા ભારત આર્મીએ પૂછ્યું, "અમે તમને તપાસ કરવાની વિનંતી કરીએ છીએ, કારણ કે અમારા સભ્યો જે ભારતથી આવ્યા છે." તેમને સ્થાનિક અધિકારીઓ અને પોલીસ દ્વારા કહેવામાં આવ્યું હતું કે તેઓ સ્ટેડિયમમાં પ્રવેશી શકશે નહીં. એકદમ ચોંકાવનારો નિર્ણય. ફેન્સ પણ આના પર ગુસ્સો કાઢી રહ્યા છે અને આ મામલે તપાસ કરવાની વાત કરી રહ્યા છે.
The @icc & @ACCMedia1 we urge you to investigate as our members travelled all they way from India to watch the #AsiaCup2022 and have been told they can’t enter the stadium by local officials and the police! Absolutely shocking treatment!#BharatArmy#PAKvSL
અધિકારીઓ એ કહ્યું "ગો બેક ઇન્ડિયા"
વીડિયોમાં લોકો કહી રહ્યા છે કે સ્ટેડિયમમાં અધિકારીઓ તેમની સાથે ગો ઇન્ડિયા અને ગો બેક જેવી વાતો કરી રહ્યા હતા અને તેમને ધક્કો પણ મારી રહ્યા હતા. આ ખોટું છે. પરંતુ અમને આ માટે કોઈ નક્કર કારણ આપવામાં આવ્યું ન હતું. અમને આ વિશે કોઈ માહિતી આપવામાં આવી ન હતી. અમે ઘરથી દૂર છીએ. આવી સ્થિતિમાં, અમે તરતથી કપડાં પણ બદલી શકતા નથી. વાત જાણે એમ છે કે આ પહેલા પાકિસ્તાન અને અફઘાનિસ્તાન વચ્ચેની મેચમાં ફેન્સ વચ્ચે વિવાદ થયો હતો. બાદમાં આ કેસમાં ધરપકડ પણ કરવામાં આવી હતી. યુએઈમાં મોટી સંખ્યામાં ભારતીયો રહે છે અને તેઓ મેચ દરમિયાન સપોર્ટ કરવા સ્ટેડિયમમાં પણ આવે છે. પણ ચાલુ સિઝનમાં ભારતીય ટીમ સુપર-4થી આગળ વધી શકી નહતી. ત્યારે ઘણા લોકો બાકીના મેચ જોવા જઈ રહ્યા છે.