સાઈડ કાપી / 200 અબજ ડોલરનું ધોવાણ થતાં એક જ દિવસમાં ભારતના આ બે દિગ્ગજો માર્ક ઝુકરબર્ગ કરતા આગળ નિકળી ગયાં

• મેટાના શેરમાં એક દિવસમાં આવ્યો મોટો ધબડકો
• ગૌતમ અદાણી અને અનિલ અંબાણી આગળ નિકળી ગયાં
• 200 અબજ ડોલરનું થયું હતું ધોવાણ

ભારતીય બિઝનેસ ટાયકૂન મુકેશ અંબાણી અને ગૌતમ અદાણી હવે ફેસબુકના બોસ માર્ક ઝકરબર્ગથી પણ આગળ નિકળી ગયા છે. Forbesની યાદીમાં મેટા પ્લેટફોર્મ્સ ઈંકના શેરોમાં એક દિવસના રેકોર્ડ ધબડકા બાદ અમીરોની યાદીમાં ઝકરબર્ગ હવે મુકેશ અંબાણી અને ગૌતમ અદાણીથી નીચે આવી ગયા છે. 

મેટાના શેર 3 ફેબ્રુઆરીએ 26 ટકા સુધી નીચે આવી ગયા હતા. તેનાથી ઝકરબર્ગની સંપત્તિમાં 29 અબજ ડોલરનો ઘટાડો આવ્યો છે. ફોર્બ્સના જણાવ્યા અનુસાર ફેસબુકના ફાઉંડર અને ચીફ એક્ઝીક્યૂટિવ ઓફિસ ઝકરબર્ગની સંપત્તિ ઘટીને 85 અબજ ડોલર પર આવી ગઈ છે.

Forbes ની Real-time billionaires લિસ્ટમાં જણાવ્યા અનુસાર ગૌતમ અદાણીની સંપત્તિ હાલમાં 90.1 અબજ ડોલર છે. તો વળી મુકેશ અંબાણીની વેલ્થ 90 અબજ ડોલર છે. મેટા ક્રેશ થયા બાદ ઝકરબર્ગનું નામ Forbes ની યાદીમાં 12માં નંબરે આવી ગયું છે.

મેટાના શેર ક્રેશ થયાના એક દિવસમાં 200 અબજ ડોલર પાણીમાં જતાં રહ્યા છે. મેટાને પહેલા ફેસબુકના નામથી ઓળખવામાં આવતી હતી. આ કંપનીમાં ઝકરબર્ગની ભાગીદારી 12.8 ટકા છે.