નિવેદન / ગ્લોબલ માર્કેટમાં બંધ કરી દઇશું ઓઇલ સપ્લાય: અમેરિકાના પ્રસ્તાવ પર રશિયાની ચીમકી, શું કરશે ભારત? 

• ભારતમાં રશિયાના રાજદૂત ડેનિસ અલીપોવે કરી પ્રેસ કોન્ફરન્સ
• તેલની કિંમતને કારણે ગ્લોબલ માર્કેટમાં બંધ કરી દઇશું ઓઇલ સપ્લાય: અલીપોવ 
• G-7 દેશો દ્વારા પ્રસ્તાવિત તેલની કિંમત યોગ્ય નહીં હોય તો..... 

તેલની કિંમતને કારણે રશિયા વૈશ્વિક બજારમાં તેલનો પુરવઠો રોકી શકે છે.  રશિયાનું કહેવું છે કે, જો G-7 દેશો દ્વારા પ્રસ્તાવિત તેલની કિંમત યોગ્ય નહીં હોય તો તે વૈશ્વિક બજારમાં તેલનો સપ્લાય બંધ કરી દેશે. ભારતમાં રશિયાના રાજદૂત ડેનિસ અલીપોવે એક પ્રેસ કોન્ફરન્સમાં કહ્યું હતું કે,  જો G-7 દેશો દ્વારા પ્રસ્તાવિત ઓઈલ કેપ અમારા માટે યોગ્ય નથી અને અમે તેનો સ્વીકાર નહીં કરીએ તો અમે વૈશ્વિક બજારમાં તેલનો પુરવઠો બંધ કરી દઈશું.  આ સાથે તેમણે કહ્યું કે, અમે તે દેશોને તેલ આપવાનું બંધ કરી દઈશું જેઓ કિંમતની મર્યાદા નક્કી કરવામાં અમેરિકાનું સમર્થન કરે છે.

યુક્રેન પર હુમલા બાદ અમેરિકા સહિત ઘણા પશ્ચિમી દેશોએ રશિયા પર કડક પ્રતિબંધો લગાવ્યા છે. આ કારણે રશિયાએ યુરોપિયન દેશોને તેલ અને ગેસનો પુરવઠો ઘટાડી દીધો છે. રશિયા પર વધુ કડક પ્રતિબંધો લાદવા માટે G-7માં સામેલ દેશોએ પેટ્રોલિયમ ઉત્પાદનોની મહત્તમ કિંમત નક્કી કરવાની વાત કરી છે. ઇંધણની નિકાસમાંથી રશિયાને મોટા પ્રમાણમાં વિદેશી હૂંડિયામણ મળશે. તેને બંધ કરવા માટે તેલની કિંમતો નક્કી કરવાની ચર્ચા ચાલી રહી છે. અલીપોવે કહ્યું કે, પ્રાઇસ કેપ લાગુ થવાને કારણે વૈશ્વિક બજારોમાં તેલની ભારે અછત સર્જાશે અને કિંમતો ઝડપથી વધશે. 

આ સાથે યુએસએ ભારતને તે જૂથનો ભાગ બનવા માટે પણ કહ્યું છે જે રશિયન પેટ્રોલિયમ ઉત્પાદનોની કિંમતો નક્કી કરે છે. પરંતુ ભારતે કહ્યું છે કે, તે દરખાસ્તની કાળજીપૂર્વક તપાસ કર્યા પછી જ નિર્ણય લેશે. રશિયાના રાજદૂત અલીપોવે જણાવ્યું હતું કે, ભારતે અત્યાર સુધી તેલની કિંમતો નક્કી કરવાના પ્રસ્તાવ અંગે સાવધાનીપૂર્વકનો અભિગમ અપનાવ્યો છે. અલીપોવે જણાવ્યું હતું કે ,આ વર્ષના પ્રથમ છ મહિનામાં બંને દેશો વચ્ચેનો વેપાર $11.1 બિલિયન હતો, જ્યારે 2021માં બંને દેશો વચ્ચેનો વેપાર લગભગ $13 બિલિયન હતો, જ્યારે 2021માં બંને દેશો વચ્ચેનો વેપાર લગભગ $13 બિલિયન હતો. બ્લૂમબર્ગના રિપોર્ટ અનુસાર જૂનમાં રશિયાએ સાઉદી અરેબિયાને પછાડીને ભારતને તેલનો બીજો સૌથી મોટો સપ્લાયર બનાવ્યો છે.