કોર્ટની લાલ આંખ / ભારતમાં વિકિપીડિયા પર લાગશે પ્રતિબંધ! દિલ્હી હાઈકોર્ટની ચેતવણી, જાણો સમગ્ર મામલો

દિલ્હી હાઈકોર્ટે તિરસ્કારના કેસમાં વિકિપીડિયા વિરુદ્ધ કડક ટિપ્પણી કરી છે. કોર્ટે કહ્યું છે કે તે સરકારને ભારતમાં વિકિપીડિયાને બ્લોક કરવા કહેશે. કોર્ટની આ કડક ટિપ્પણી ANIના મામલામાં આવી છે, જેમાં કોર્ટના આદેશ છતાં વિકિપીડિયાએ હજુ સુધી આદેશનો અમલ કર્યો નથી. ANIએ આ અંગે વિકિપીડિયા સામે માનહાનિનો કેસ દાખલ કર્યો છે.

શું છે મામલો?

કેટલાક લોકોએ વિકિપીડિયા પર ANIનું પેજ એડિટ કર્યું હતું અને વાંધાજનક માહિતી શેર કરી હતી. સંપાદિત પોસ્ટમાં લખવામાં આવ્યું હતું કે ANIનો ઉપયોગ વર્તમાન સરકાર માટે પ્રચાર ફેલાવવાના સાધન તરીકે થાય છે, જેના સંદર્ભમાં ANIએ ફરિયાદ નોંધાવી હતી. કોર્ટે વિકિપીડિયાને પેજ સંપાદિત કરનારા ત્રણ લોકો વિશે માહિતી આપવાનો આદેશ આપ્યો હતો, પરંતુ વિકિપીડિયાએ આદેશનું પાલન કર્યું ન હતું, જેના કારણે એએનઆઈ ફરીથી હાઈકોર્ટ પહોંચી અને કહ્યું કે કોર્ટના આદેશની અવગણના કરવામાં આવી છે.

આજે કોર્ટમાં શું થયું?

આજે જ્યારે સુનાવણી શરૂ થઈ ત્યારે કોર્ટે પૂછ્યું કે શા માટે આદેશનું પાલન કરવામાં આવ્યું નથી, તો વિકિપીડિયાના વકીલે કોર્ટને કહ્યું કે તેમણે કોર્ટના આદેશ અંગે કેટલીક બાબતો કોર્ટ સમક્ષ રજૂ કરવાની હતી, જેમાં સમય લાગ્યો કારણ કે વિકિપીડિયાનો આધાર ભારતમાં નથી.

આના પર નારાજગી વ્યક્ત કરતા કોર્ટે કહ્યું કે અમે તિરસ્કારનો કેસ દાખલ કરીશું. અહીં પ્રશ્ન એ નથી કે વિકિપીડિયા ભારતમાં છે કે નહીં, પણ કોર્ટના આદેશનું પાલન કેમ ન થયું તે મહત્ત્વનું છે. કોર્ટે ચેતવણી આપી હતી કે અમે તમારા ધંધાકીય વ્યવહારો અહીં રોકીશું. અમે સરકારને વિકિપીડિયાને બ્લોક કરવા માટે કહીશું. કોર્ટે કહ્યું કે તમે લોકોએ અગાઉ પણ આવી જ દલીલ કરી હતી. જો તમને ભારત ન ગમતું હોય તો કૃપા કરીને ભારતમાં કામ ન કરો.

આ પણ વાંચોઃ વ્હાઈટ મોનોકિની લૂક્સમાં જેક્લીન ફર્નાન્ડિઝે બીચ પર કરાવ્યું ગજબ ફોટોશૂટ, PHOTOS જોઇ ફેન્સ પાણી-પાણી

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ