વેક્સિન વૉર / અમને ફાઇઝર અને બાયોએનટેકની રસી વિશે અફવા ફેલાવવાના પૈસા ઓફર થયેલા: જાણો કોણે આપ્યું આવું નિવેદન

• વેક્સિન વોરને લઈને આવ્યું ચોકાવનારું નિવેદન
• યૂટ્યુબર્સે સનસનાટી મચાવી દે તેવું નિવેદન આપ્યું 
• ફાઇઝર અને બાયોએનટેકની રસી વિશે અફવા ફેલાવવાના પૈસા ઓફર કરાયા હતા

શું કહ્યું આ યૂટ્યૂબર્સે તેમના ફોલોઅર્સને જાણો અને શું હતી તેમને મળેલી ખાસ ઓફર

ફ્રાન્સ અને જર્મનીના લાખો ફોલોઅર્સ ધરાવતા યૂટ્યુબર્સે સનસનાટી મચાવી દે તેવું નિવેદન આપ્યું છે. તેઓએ કહ્યું છે કે અમને ફાઇઝર અને બાયોએનટેકની રસી વિશે અફવા ફેલાવવાના પૈસા ઓફર કરાયા હતા. તેમને ઓફર ઈગ્લેન્ડની એક પબ્લિક રિલેશન કંપનીએ આપી હતી. ઓફરમાં કગેવાયું હતું કે અમે તમને તમે કહેશો તેટલા રૂપિયા આપીશું, તમારે ફક્ત તમારા ફોલોઅર્સને કહેવાનું છે કે બંને અમેરિકન વેક્સિનથી સેંકડો લોકોના મોત થયા છે. લંડનમાં ઓફિસ ધરાવી ફેઝ નામની કંપનીએ યૂટ્યૂબર્સને આ માટે મોટી રકમ આપી હોવાનો ખુલાસો થયો છે. આ માટે રશિયાની કંપનીએ ફંડિંગ કર્યું હોવાની માહિતી પણ સામે આવી રહી છે.

કંપનીની ઓફિસને લાગ્યા તાળા
જ્યારથી યૂરોપિયન મીડિયામાં આ વાત વહેતી થઈ છે ત્યારથી કંપનીને તાળા વાગી ચૂક્યા છે.. કંપનીનું ઈન્સ્ટાગ્રામ એકાઉન્ટ પણ પબ્લિકને બદલે પ્રાઈવેટ થઈ ચૂક્યું છે.

શું હતી ઓફર

આ ઓફરમાં મોં માંગ્યા રૂપિયા આપવામાં આવ્યા હતા અને સાથે વેક્સિનને લઈને ખોટું બોલવાની વાત હતી.. એક રિપોર્ટ અનુસાર ફ્રેન્ચ ભાષામાં વીડિયો બનાવનારાનો એક એજન્સીએ સંપર્ક કર્યો અને કહ્યું કે તમે એવું કહો કે એસ્ટ્રાજેનેકા કરતા ફાઈઝરની વેક્સિન લેનારાનો મૃત્યુદર 3ગણો છે. આ માટે તેમને કેટલોક ડેટા પણ આપવામાં આવ્યો હતો. યૂઝર્સે ફક્ત તેમના ઈન્સ્ટાગ્રામ, ટિકટોક અને યૂટ્યૂબ એકાઉન્ટમાં તેને પબ્લિશ કરવાનું હતું. કંપનીએ ઓફર્સના ઈમેલ આઈડી પણ ઈન્ટરનેટ પર પબ્લિશ કર્યા છે.

ગાયબ થઈ ગયા તમામ કલાયન્ટ
1.2 મિલિયનના સબ્સ્ક્રાઈબર્સ ધરાવતા ફ્રેન્સ યૂટ્યુબર, 1.5 મિલિયન સબ્સ્ક્રાઈબર્સ ધરાવતા જર્મન યૂટ્યુબર બધા ગાયબ થઈ ગયા છે. કેટલાકે કંપની સાથે થયેલા કરારના સ્ક્રીન શોટ શેર કર્યા છે. કંપનીનું લિંક્ડ ઈન પર પણ એકાઉન્ટ હતું. લિંક્ડ ઈને કહ્યું કે કંપનીનું મેનેજમેન્ટ મોસ્કોનું હતું અને તેમને રશિયામાંથી ફંડિંગ મળતું હતુ.