IPLIN
 
  • Home
  • India
  • We have to preserve the tradition and culture of thousands of years after independence: Prime Minister

Kashi-Tamil Sangamam / આપણે આઝાદી પછીની હજારો વર્ષોની પરંપરા તેમજ સંસ્કૃતિને જાળવીને રાખવાની છેઃવડાપ્રધાન

Team VTV 04:48 PM, 19 Nov 22
Follow us
We have to preserve the tradition and culture of thousands of years after independence: Prime Minister

વડા પ્રધાન નરેન્દ્ર મોદી શનિવારે મહામના કી બગિયા કાશી હિંદુ યુનિવર્સિટીના એમ્ફીથિયેટર સંકુલમાંથી એક મહિના સુધી ચાલનાર કાશી-તમિલ સંગમનું ઉદ્ઘાટન કરવા વારાણસી પહોંચ્યા હતા.

  • વડાપ્રધાન નરેન્દ્ર મોદી પહોચ્યા વારાણસી
  • એક મહિના સુધી ચાલનાર કાશી-તમિલ સંગમનું ઉદ્ઘાટન કર્યું
  • વડાપ્રધાને તમામ મહેમાનોનું વિશેષ સ્વાગત કર્યું

 વારાણસી એરપોર્ટથી વડાપ્રધાન એરફોર્સના હેલિકોપ્ટરમાં BHU પહોંચ્યા. વડાપ્રધાન નરેન્દ્ર મોદીએ કાશી હિંદુ યુનિવર્સિટીના એમ્ફી થિયેટર ગ્રાઉન્ડ ખાતે ચાલનારા "કાશી-તમિલ સંગમમ"નું ઉદ્ઘાટન કર્યું. તેઓ તામિલનાડુથી પધારેલા નવ ધર્મગુરૂઓનું સન્માન કરશે. તમિલનાડુના વિદ્યાર્થીઓ સાથે પણ વાર્તાલાપ કરશે. PM મોદી આજે દક્ષિણ ભારતીય પહેરવેશ ચીનના રાષ્ટ્રપતિની ભારત મુલાકાત દરમિયાન તે આવો જ ડ્રેસ પહેરેલો જોવા મળે છે.

પીએમ મોદીએ હર હર મહાદેવ, નમસ્તે કાશી, નમસ્તે તમિલનાડુ સાથે સૌનું સ્વાગત કર્યું. કહ્યું કે મારી કાશી પહોંચેલા તમામ મહેમાનોનું વિશેષ સ્વાગત છે. આપણા દેશમાં સંગમનું ઘણું મહત્વ રહ્યું છે. નદીઓ, વિચારો અને સંસ્કૃતિનો સંગમ થયો છે. આ સંગમોનું સંગઠન કાશી તમિલ સંગમમ છે. આ પ્રસંગ ખાસ અને વિશેષ છે.

કાશી અને તમિલ સંસ્કૃતિ પ્રાચીન અને ભવ્ય છે
કાશી અને તમિલ સંસ્કૃતિ પ્રાચીન અને ગૌરવપૂર્ણ છે. ધાર્મિક રીતે બંનેમાં સમાનતા છે. કાશીમાં બાબા વિશ્વનાથ અને તમિલમાં રામેશ્વરમ છે. એક જ ચેતના જુદા જુદા સ્વરૂપમાં જોવા મળે છે. સંગીત અને સાહિત્યમાં એકરૂપતા છે. બનારસી સાડી અને કાંજીવરમનું વિશેષ મહત્વ છે. કાશી અને તમિલનાડુમાં અનેક મહાન હસ્તીઓનો જન્મ થયો જેણે સમાજને દિશા આપી. 

કાશી તમિલ સંગમમ પર ટૂંકી ફિલ્મ અને બે પુસ્તકોનું વિમોચન
વડાપ્રધાને આ પ્રસંગે કાશી તમિલ સંગમ પર એક ટૂંકી ફિલ્મ અને કાશી તમિલને જોડતા બે પુસ્તકોનું પણ વિમોચન કર્યું હતું. કાશી તમિલ સંગમમના આ કાર્યક્રમમાં સાંસ્કૃતિક જૂથો દ્વારા સાંસ્કૃતિક કાર્યક્રમોનું આયોજન કરવામાં આવ્યું હતું.

કેન્દ્રીય માહિતી અને પ્રસારણ રાજ્ય પ્રધાન ડૉ. એલ. મુરુગન, ઉત્તર પ્રદેશના મુખ્ય પ્રધાન યોગી આદિત્યનાથ, સાંસદ ઇલૈયારાજાએ પણ ઉદ્ઘાટન સમારોહમાં તેમના વિચારો વ્યક્ત કર્યા હતા. આ કાર્યક્રમમાં કેન્દ્રીય શિક્ષણ, કૌશલ્ય વિકાસ અને સાહસિકતા મંત્રી ધર્મેન્દ્ર પ્રધાન, ઉત્તર પ્રદેશના રાજ્યપાલ આનંદીબેન પટેલ સહિત અનેક મહાનુભાવો ઉપસ્થિત રહ્યા હતા.

આ પહેલા યુપીના સીએમ યોગી આદિત્યનાથ, કેન્દ્રીય શિક્ષણ મંત્રી ધર્મેન્દ્ર પ્રધાને મંચ પર વડાપ્રધાન નરેન્દ્ર મોદીનું સ્વાગત કર્યું અને અભિનંદન પાઠવ્યા. તમામ મહેમાનોનું તામિલ ભાષામાં સ્વાગત કરવામાં આવ્યું હતું. આ દરમિયાન સીએમ યોગીએ તમિલનાડુના મહેમાનો અને અધિનમનું સ્વાગત કર્યું. મુખ્યમંત્રી યોગીએ નમસ્તે કરીને જણાવ્યું હતું કે, રામેશ્વરની પવિત્ર ભૂમિમાંથી આવનાર મહેમાનોનું વિશ્વેશ્વરની પવિત્ર ભૂમિ પર સ્વાગત છે. કાશીમાં કાશી તમિલ સંગમનું આયોજન કારતક મહિનામાં તમિલ મહિનામાં કરવામાં આવી રહ્યું છે. ઉત્તર અને દક્ષિણનો સંગમ કાશીમાં થઈ રહ્યો છે. પ્રાચીન સંબંધોને પુનર્જીવિત કરવામાં આવી રહ્યા છે.

PM modi yogi aditynath uttar pradesh Governer Anandiben patel વડાપ્રધાન મોદી યોગી આદિત્યનાથ ઉત્તર પ્રદેશ ગર્વનર આનંદીબેન પટેલ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ