મહામારી / કોરોના સંકટમાં મેડિકલ પ્રણાલીની જરૂરિયાત સમજાઈ, સ્વાસ્થ્ય સેવાઓ વધુ સારી કરવાની છે જરૂર : ડૉ. હર્ષવર્ધન

• આપણી સ્વાસ્થ્ય પ્રણાલીને બદલવાની જરૂર
• વિશ્વમાં 70 ટકા મોત આ બિનચેપી રોગોને કારણે થાય છે 
• સંયુક્ત સ્વાસ્થ્ય વિભાગના સચિવ લવ અગ્રવાલ દ્વારા પણ જાણકારી આપવામાં આવી હતી

આપણી સ્વાસ્થ્ય પ્રણાલીને બદલવાની જરૂર
કેન્દ્રીય સ્વાસ્થ્ય મંત્રી ડૉક્ટર હર્ષવર્ધને કહ્યું કે કોરોના મહામારીમાં પહોંચી ના શકાય એ હદે સ્વાસ્થ્ય સુવિધાઓની માંગ આવી રહી છે. આપણી સ્વાસ્થ્ય સુવિધા અને તેની ક્ષમતા હાલમાં ચાલી રહેલી મહામારીને નિયંત્રણ કરી શકે તે રીતે સક્ષમ છે. સાથે જ દરેક સ્વાસ્થ્યના ક્ષેત્રમાં ધ્યાન આપી શકાય અને આવી રીતે સંક્રમણથી ફેલાતા રોગોના કારણે થતાં મૃત્યુ દરને ઓછો કરવા માટે આપણી સ્વાસ્થ્ય પ્રણાલીને બદલવાની જરૂર છે. સાર્વજનિક રીતે સ્વાસ્થ્ય પ્રણાલીમાં સતત વિકાસના લક્ષ્યમાં કોઈ પણ લોકો બાકી ન રહી જાય તેનું ધ્યાન રાખે અને બધા જ શેર હોલ્ડર્સ પર કાર્યવાહી કરવાનું આહ્વાન કરે છે   

COVID-19 outbreak has placed unprecedented demand on the health system. Our health facilities & workforce are currently inundated with a plethora of activities related to controlling the pandemic: Union Health Minister Dr Harsh Vardhan pic.twitter.com/T0QxM7ec7F

— ANI (@ANI) May 25, 2021

વિશ્વમાં 70 ટકા મોત આ બિનચેપી રોગોને કારણે થાય છે 
કેન્દ્રીય સ્વાસ્થ્ય મંત્રીએ કહ્યું કે ગેર સંક્રામક રોગનો ડેટા અમારા માટે એક આશાનું કિરણ છે, જયારે વિશ્વમાં 70 ટકા મોત આ કારણે જ થાય છે. ભારતમાં લગભગ 63 ટકા લોકો આનાથી મૃત્યુ પામે છે. અમે ભારત સરકારની મદદથી 2015-2019 માં ગેર સંક્રામક રોગના કારણે થતાં મૃત્યુના દરમાં 503 થી 490 પ્રતિ લાખ સુધી જનસંખ્યા ઓછી કરવામાં સક્ષમ થઈ ગયા છે. હાલમાં કેન્દ્ર દ્વારા આપવામાં આવતા કોરોના આંકડા મુજબ સંક્રમણ ઓછું થઈ રહ્યું હોય તેવું જણાય છે. 40 દિવસ પછી કોરોનાના આંકડા હવે 2 લાખથી પણ ઓછા આવી રહ્યા છે.તેમણે આજે સવારે જ કહ્યું જે છેલ્લા 24 કલાકમાં કોરોના સંક્રમણના આંકડા 1,69,427 કેસો સામે આવ્યા છે અને 3511 લોકો મૃત્યુ પામ્યા છે. 

સંયુક્ત સ્વાસ્થ્ય વિભાગના સચિવ લવ અગ્રવાલ દ્વારા પણ જાણકારી આપવામાં આવી હતી 
સંયુક્ત સ્વાસ્થ્ય વિભાગના સચિવ લવ અગ્રવાલના જણાવ્યા મુજબ 28 એપ્રિલથી 4 મે વચ્ચે 531 જિલ્લામાં દરરોજ 100 થી વધુ કેસો સામે આવી રહ્યા હતા, હવે એવા જિલ્લાઓની સંખ્યા 431 થઈ ગઈ છે. 10 મે એ કુલ 37 લાખ 45 હજાર એક્ટિવ કેસો હતા, એ હવે ઘટીને 27.2 લાખ થઈ ગયા છે. બે અઠવાડિયામાં આ કેસોની સંખ્યામાં લગભગ 10 લાખનો ઘટાડો થયો છે. વધુમાં તેમણે કહ્યું કે છેલ્લા 22 દિવસમાં દેશમાં સંક્રમણના આંકડાઓમાં ઘટાડો જોવા મળી રહ્યો છે. 3 મે ના રોજ દેશમાં 17.13 ટકા કોરોનાના સક્રિય કેસો હતા, જે હવે ઘટીને 10.7 ટકા થઈ ગયા છે.