સેપરેશન / હવે અમે સાથે નથી: પોસ્ટ કરીને બોલિવૂડની જોડીએ કર્યું બ્રેકઅપ, એક વર્ષ પણ ન ચાલ્યું રિલેશન

• શમિતા શેટ્ટી અને રાકેશ બાપટ થયા અલગ અલગ 
• બંને ઘણા સમયથી એકબીજાને ડેટ કરી રહ્યા હતા
• બન્નેનો થોડા સમય પછી મ્યુઝિક વીડિયો લોન્ચ થવનો છે

અભિનેત્રી શમિતા શેટ્ટી અને રાકેશ બાપટ ફરી એકવાર હેડલાઇન્સમાં આવ્યા છે. બંને ઘણા સમયથી એકબીજાને ડેટ કરી રહ્યા હતા, પરંતુ હવે તેમણે બન્નેએ પોતાના બ્રેકઅપની જાહેરાત કરી દીધી છે. બંનેએ સોશિયલ મીડિયા પર પોસ્ટ શેર કરીને આ જાણકારી ફેન્સ સાથે શેર કરી છે.

pic.twitter.com/wwUDkDaN6L— Shamita Shetty 🦋 (@ShamitaShetty) July 26, 2022

શમિતાની પોસ્ટ
શમિતાએ લખ્યું, "મને લાગે છે કે આ મહત્વપૂર્ણ વાત માટે સાફ કહી દેવી જોઈએ, રાકેશ અને હું હવે સાથે નથી અને છેલ્લા કેટલાક સમયથી આ જ સ્થિતિ છે. પરંતુ આ મ્યુઝિક વીડિયો અમારા બધા પ્રિય ચાહકો માટે છે, જેમણે અમને ખૂબ પ્રેમ અને ટેકો આપ્યો છે. અને આવનાર સમયમાં પણ પ્રેમ અમારા પર વરસાવતા રહો. આપ સૌનો પ્રેમ અને કૃતજ્ઞતા. જણાવી દઈએ કે બંનેએ એક મ્યૂઝિક વીડિયો શૂટ કર્યો છે, જે ટૂંક સમયમાં જ રિલીઝ થવા જઈ રહ્યો છે.

શમિતા અને હું હવે સાથે નથી
રાકેશે પોતાની પોસ્ટમાં લખ્યું, "હું તમરા સાથે શેર કરવા માંગુ છું કે શમિતા અને હું હવે સાથે નથી. નસીબે આપણને ખૂબ જ અલગ પરિસ્થિતિઓમાં લઈ ગયા છે. શરા પરિવારને ટેકો આપવા અને પ્રેમ કરવા બદલ આભાર. એક પ્રાઇવેટ પર્સન તરીકે હું જાહેરમાં મારા બ્રેકઅપની જાહેરાત કરવા નહોતો માંગતો, પરંતુ મને લાગે છે કે એ વિશે અમારા ચાહકોને જણાવવું જોઇએ. હું જાણું છું કે આ જાણીને તમારું હૃદય તૂટી જશે. હું આશા રાખું છું કે તમે હવે અમારા બંને પર અલગથી પ્રેમ વરસાવતા રહેશો. અમને હંમેશા તમારા સમર્થનની જરૂર રહેશે. આ મ્યુઝિક વિડિઓ તમને બધાને સમર્પિત છે. '

 

 

 

 

View this post on Instagram

 

 

 

 

 

 

 

 

 

 

 

A post shared by Raqesh Bapat (@raqeshbapat)

બિગ બોસ ઓટીટીમાં શરૂ થઈ રાકેશ-શમિતાની લવ સ્ટોરી
શમિતા અને રાકેશની લવ સ્ટોરી કરણ જોહરના શો 'બિગ બોસ ઓટીટી'માં શરૂ થઈ હતી. આ શોમાં બંને ઘણી વખત એકબીજા સાથે ઝઘડતા પણ જોવા મળ્યા હતા. આ દરમિયાન શમિતાએ ખુલાસો કર્યો હતો કે તે માત્ર 18 વર્ષની હતી જ્યારે તેના બોયફ્રેન્ડનું નિધન થઇ ગયું હતું, જેના કારણે તે ખૂબ જ પરેશાન થઈ ગઈ હતી. સાથે જ રાકેશે એમ પણ કહ્યું હતું કે, પિતાના મૃત્યુ અને રિદ્ધિ ડોગરાથી છૂટાછેડા બાદ આ બધામાંથી બહાર આવવું તેના માટે ઘણું મુશ્કેલ હતું.