બહુ કરી / 'અમે ખરાબ રીતે હારીએ છીએ..' પાકિસ્તાની કોચે પોતે જ ઉડાવ્યો તેની ટીમનો મજાક, VIDEO થયો વાયરલ

• હાલ ઈંગ્લેન્ડ સામે પાકિસ્તાનમાં જ 7 મેચની T20 સીરિઝ રમી રહી છે
• પાકિસ્તાન ટીમના બોલિંગ કોચ  એ પોતાની જ ટીમ મેનેજમેન્ટની બધા સામે મજાક ઉડાવી
• નિવેદન સાંભળીને પાકિસ્તાન ક્રિકેટ બોર્ડ (PCB)ના મૉડરેટરે વચ્ચે આવું પડ્યું

પાકિસ્તાન ક્રિકેટ ટીમ હાલ ઈંગ્લેન્ડ સામે પાકિસ્તાનમાં જ 7 મેચની T20 સીરિઝ રમી રહી છે અને તેની અત્યાર સુધી 6 મેચ રમાઈ છે અને સિરીઝ હાલ 3-3 ની બરાબરી પર છે. શુક્રવારે છઠ્ઠી મેચ રમાઈ હતી અને એ મેચમાં ઈંગ્લેન્ડની ટીમે 8 વિકેટે જીત હતી. છઠ્ઠી મેચમાં ખરાબ રીતે હારી ગયા પછી જ્યારે પ્રેસ કોન્ફરન્સનો સમય આવ્યો ત્યારે પાકિસ્તાન ટીમના બોલિંગ કોચ શોન ટેટ એ પોતાની જ ટીમ મેનેજમેન્ટની બધા સામે મજાક ઉડાવી હતી અને ટેટનું નિવેદન સાંભળીને પાકિસ્તાન ક્રિકેટ બોર્ડ (PCB)ના મૉડરેટરે વચ્ચે આવું પડ્યું હતું અને એ પછી ટેટને સમજાવવામાં આવ્યા હતા. 

They send me when we get beaten badly: Shaun Tait @TheRealPCB ? pic.twitter.com/ohkYCREs34

— ٰImran Siddique (@imransiddique89) September 30, 2022

ખરાબ રીતે હારે છે તો પ્રેસ કોન્ફરન્સમાં ટેટને મોકલે છે.. 
ઈંગ્લેન્ડ સામેની છઠ્ઠી મેચમાં હાર્યા પછી ટેટને પ્રેસ કોન્ફરન્સમાં મોકલવામાં આવ્યો હતો અને તેને કારણે  ટેટ પ્રેસ કોન્ફરન્સમાં  ખૂબ ગુસ્સે દેખાયો હતો અને આ ગુસ્સો તેને શબ્દો દ્વારા વ્યક્ત પણ કર્યો હતો અને સવાલ-જવાબની પ્રેસ કોન્ફરન્સ પહેલા સીન ટેટ એ કહ્યું હતું કે, 'જ્યારે અમે ખરાબ રીતે હારીએ છીએ, ત્યારે ટીમ મેનેજમેન્ટ મને મોકલે છે.' બસ આ સાંભળીને મોડરેટર તરત જ વચ્ચે આવી ગયા અને માઈક બંધ કરી દીધું હતું. આ પછી મોડરેટરે ટેટ ને પૂછ્યું કે શું તે ઠીક છે એટલે કે પ્રેસ કોન્સફરન્સ માટે તૈયાર છે કે નહીં? આના પર ટેટે 'હા' કહી હતી. હાલ તેનો એ વિડીયો સોશ્યલ મીડિયા પર ખૂબ જ વાયરલ થઈ રહ્યો છે.  

Pakistan bowling coach Shaun Tait speaks to the media after the sixth T20I#PAKvENG | #UKSePK https://t.co/bS03Yp0WJf

— Pakistan Cricket (@TheRealPCB) September 30, 2022

ટેટ એ તેના બોલરનો બચાવ પણ કર્યો 
ઈંગ્લેન્ડ સામેની છઠ્ઠી મેચમાં પાકિસ્તાન ટીમનો સ્ટાર બોલર હરિસ રઉફ એ મેચમાં હિસ્સો નહતો લીધો કારણકે એમની બોલિંગ નબળી દેખાતી હતી. પ્રેસ કોન્ફરન્સમાં જ્યારે આ વિશે સવાલ પૂછવામાં આવ્યો ત્યારે ટેટ એ પોતાના બોલરોનો બચાવ કર્યો હતો. ડેથ ઓવરોમાં નબળી બોલિંગના સવાલ પર ટેટ એ થોડા આક્રમક અંદાજમાં કહ્યું હતું કે, 'તમે છેલ્લી મેચ જોઈ છે? ડેથ ઓવરોમાં શાનદાર બોલિંગના કારણે જ અમે મેચ જીતી શક્યા હતા.'