મુંબઇની લોકલ ટ્રેનમાં વકીલ તરીકેની ઓળખ આપી યુવક અને યુવતી પેસેન્જર સાથે દાદાગીરી કરતા હોવાનો વીડિયો વાયરલ થઈ રહ્યો છે.
મુંબઇની લોકલ ટ્રેનનો એક વીડિયો વાયરલ
લોકલ ટ્રેનમાં દાદાગીરી, પછી કહ્યું અમે તો વકીલ છીએ
મુસાફરે વીડિયો સોશિયલ મીડિયામાં કર્યો વાયરલ
મુંબઇની લોકલ ટ્રેનનો એક વીડિયો વાયુવેગે વાયરલ થઈ રહ્યો છે. આ વીડિયોમાં કપલ પેસેન્જર સાથે દલીલ કરતા જોવા મળી રહ્યા છે. વિડીયોમાં દ્રશ્યમાન થતી વિગત અનુસાર ટ્રેનમાં એક યુવક અને યુવતી બેઠા હતા. જેમાં યુવતી પગ લાંબા કરીને બેઠી હોવાનું જણાઈ રહ્યું છે ત્યારે એક પેસેન્જરએ પોતાના મોબાઈલમાં તે મહિલા જે રીતે બેઠી છે તે પ્રકારનો એક વીડિયો શુટ કર્યો હતો. આ દરમિયાન યુવક, યુવતી બન્ને વકીલ હોવાનો રોફ જમાવી પેસેન્જર સાથે દાદાગીરી કરતા નજરે પડે છે. જેમાં પેસેન્જર મહિલાને સીટ પરથી પગ હટાવવાની અપીલ કરી રહ્યો છે. ત્યારે મહિલા દાદાગીરી કરતા કહે છે કે તમે કોણ છો કે મારો વીડિયો શૂટ કરી રહ્યા છો.
વીડિયોમાં દેખાતી મહિલા જે પોતાના પગ લાંબા કરી ને બેઠી હતી. અને પેસેન્જર પોતાના મોબાઈલમાં વીડિયો ઉતારી રહ્યો હતો તે દરમિયાન પણ મહિલા વકિલ દાદાગીરી કરતી નજરે પડી રહી છે. અને વીડિયોના અંતમાં તે મહિલા વકિલ પેસેન્જરનો મોબાઈલ ઝુટવી લેવાનો પ્રયાસ પણ કરી રહી છે. હાલ તો પેસેન્જરે આ વીડિયોને સોશિયલ મીડિયામાં ટ્વીટર પર ટ્વીટ કરીને મુંબઈ પોલીસ અને રેલવે તંત્રને ટેગ કરી આ ઘટનાને ગંભીર રીતે જોઈ પગલા ભરવા માટે ટેગ પણ કરવામાં આવ્યા છે.
પોલીસે આપ્યા તપાસના આદેશ
આ વીડિયો જે રીતે વાયુવેગે વાયરલ થયો છે તેને લઈને પોલીસ પણ એક્શનમાં આવી ગઈ છે અને સમગ્ર ઘટનાની તપાસના આદેશ આપી દેવામાં આવ્યા છે. મહત્વનું છે કે સોશિયલ મીડિયામાં લોકોનો રોષ પણ જોવા મળી રહ્યો છે અને આ ટ્વીટ પર તેઓ કોમેન્ટ કરીને પોતાનો રોષ પણ ઠાલવી રહ્યા છે.