હમારે યહાં બદલા લેને કી પરંપરા હૈ કોઇ કોર્પોરેટ કલ્ચર નહીં હૈ કી અગલી ડીલ મેં પુરાને નુકસાન કો એક્ઝસ્ટ કર લેંગે...જીસને ગલતી કી હૈ ઉસે સજા મિલેગી યહી કલ્ચર હૈ હમારા દુશ્મનો કા કલેજા કાટ આયા દેખ બેટા તેરા બાપ આયા આ પ્રકારના વીડિયો ટિકટોક પર અપલોડ કરીને કૃખ્યાત બુટલેગર કાલુ ગરદને પોતાના દુશ્મનોને જવાબ આપ્યો છે
કાલુ ગરદન સુલતાન ખાનને મારવા માટે નીકળ્યો હોવાનું જુહાપુરામાં ચર્ચાઇ રહ્યુ છે
તલવાર અને ચપ્પા વડે હુમલો કરી દીધો હતો
બે અલગ અલગ ગુના દાખલ કરીને તપાસ શરૂ કરી હતી
હમારે યહાં બદલા લેને કી પરંપરા હૈ કોઇ કોર્પોરેટ કલ્ચર નહીં હૈ કી અગલી ડીલ મેં પુરાને નુકસાન કો એક્ઝસ્ટ કર લેંગે...જીસને ગલતી કી હૈ ઉસે સજા મિલેગી યહી કલ્ચર હૈ હમારા દુશ્મનો કા કલેજા કાટ આયા દેખ બેટા તેરા બાપ આયા આ પ્રકારના વીડિયો ટિકટોક પર અપલોડ કરીને કૃખ્યાત બુટલેગર કાલુ ગરદને પોતાના દુશ્મનોને જવાબ આપ્યો છે. બે દિવસ પહેલાં પેરોલ પર છુટ્યા બાદ કાલુ ગરદને એક યુવક પર ઘાતકી હુમલો કર્યો હતો અને હોટલ તલવારની અણીએ બંધ કરાવીને રીતસરનો આતંક મચાવ્યો હતો.
જુહાપુરા સરખેજ વિસ્તારમાં કાલુ ગરદન અને સુલતાન ખાન વચ્ચે દુશ્મનાવટ ચાલે છે તે વાત મોટાભાગના લોકોને ખબર છે. કાલુ ગરદને અનેક વખત સુલતાન ખાન અને તેના સાથીદારો પર હુમલો કરવા માટેને પ્લાન ઘડ્યા હોવાનું પણ સામે આવ્યું છે. બે દિવસ પહેલાં સ્ટેશનમાં મોહમદ શરીફ ઉર્ફે કાલુ ગરદન, સરફરાજ પલપલ, ઇરફાન મોગલી, અને અન્ય એક શખ્સ વિરુદ્ધમાં હત્યાની કોશિશની ફરિયાદ કરાઈ હતી.
રહેમાનભાઇનો પુત્ર અનીસ ફતેવાડી રહેવાનું કહીને ઘરેથી નીકળ્યો હતો જ્યાં એક કારમાં બુટલેગર મોહંમદ શરીફ ઉર્ફે કાલુ ગરદન, સરફરાજ પલપલ, ઇરફાન મોગલી અને ઝભ્ભો નામનો યુવક હાથમાં તલવારો અને છરીઓ લઇને આવ્યા હતા. ચારેય જણા સમીર પેંદી નામના યુવકને મારવા માટે આવ્યા હતા અને કારમાંથી ઊતરીને ગાળો બોલવા લાગ્યા હતા. સમીર પેંદી કાલુ ગરદનને જોઇને નાસી ગયો હતો અને અનીશને પકડી પાડ્યો હતો અને તેના પર તલવાર અને ચપ્પા વડે હુમલો કરી દીધો હતો.
તલવાર અને ચપ્પા લઇને આવેલા કાલુ ગરદન અને તેના સાગરીતોએ જુહાપુરા ખાતાની એક હોટલના મેનેજરને પણ તલવાર બતાવીને ધમકી આપી હતી કે દુકાન બંધ કર દો વરના તુમકો કાટ દુંગા. વેજલપુર પોલીસે કાલુ ગરદન અને તેના સાગરીતો વિરુદ્ધમાં હત્યાની કોશિશ અને ધમકી આપવા બે અલગ અલગ ગુના દાખલ કરીને તપાસ શરૂ કરી હતી.
કાલુ ગરદન સુલતાન ખાનને મારવા માટે નીકળ્યો હોવાનું જુહાપુરામાં ચર્ચાઇ રહ્યુ છે. હત્યાની કોશિશનો ગુનો દાખલ થયા બાદ કાલુ ગરદને તેના ટિકટોક આઇડી પર બે વીડિયો અપલોડ કર્યા છે. જેમાં તેના ઇરાદાઓ શા છે તેનો ખ્યાલ આવે છે. અનીશ પર હુમલા કર્યો તે જ દિવસે કાલુ ગરદન જેલમાંથી છૂટીને બહાર આવ્યો હતો અને તેને આ હિચકારા કૃત્યને અંજામ આપ્યો હતો.