આપણી લાઈફસ્ટાઈલ અને એક્સરસાઈઝ ન કરવાની આદત ઘણી બીમારીઓનું કારણ હોય છે. જે બીમારીઓ પહેલાં 50 વર્ષની ઉંમર બાદ થતી હતી તે પણ હવે યંગસ્ટર્સમાં થવા લાગી છે. જેમાં હાર્ટ એટેકનો ખતરો ખૂબ જ વધી ગયો છે. તેની પાછળ બે કારણો છે લાઈફસ્ટાઈલ અને એક્સરસાઈઝ ન કરવાની આદત. એક્સરસાઈઝ ન કરવાની આદત અને બેઠાડું જીવનને કારણે હાર્ટ એટેકનો ખતરો વધતો જઈ રહ્યો છે. જાણો તેનાથી બચવા શું કરવું.
બ્રિસ્ક વોક અને સાઈકલિંગ હાર્ટ માટે બહુ જ સારી એક્સરસાઈઝ છે
રોજ કરશો તો હાર્ટ ડિસીઝ રહેશે દૂર
આ 2 એક્સરસાઈઝ કરવાથી ઘટી શકે છે હાર્ટ એટેકનો ખતરો
આ 2 એક્સરસાઈઝને રૂટીનમાં લાવો
સાઈકલિંગ
જો તમને સાઈકલિંગ પસંદ હોય તો તે એક્સરસાઈઝ તમારા માટે ફુલ બોડી એક્સરસાઈઝની જેમ કામ કરશે. ધીરેથી શરૂ કરીને પછી સ્પીડમાં સાઈકલિંગ કરવું બહુ જ ફાયદાકારક છે. યાદ રાખવું કે સાઈકલિંગ હમેશાં ફ્રી સ્ટાઈલમાં કરવી. જો સાયકલ ટાઈટ ચાલી રહી હોય તો તેને બરાબર કરીને જ કરવું. નહીં તો ઘૂંટણ પર ખરાબ અસર થઈ શકે છે.
બ્રેસ્ક વોક
વોકિંગ સૌથી સેફ એક્સરસાઈઝ છે. હાર્ટથી લઈને ઘૂંટણના દુખાવા સુધી બધાંમાં ફાયદાકારક છે. બસ તેને કરવાની રીત થોડી અલગ હોય છે. ધીરે, તેજ અને બ્રિસ્ક વોકિંગ તમારા શરીરની ક્ષમતા પ્રમાણે કરો. લાંબા સમય સુધી વોક કરવાની આદત બાદ બ્રિસ્ક વોક કરી શકાય છે. કોશિશ કરો આ વોક એવી હોય જેમ મેરેથોનમાં દોડતી વખતે લોકો અપનાવે છે. ચાલવું પણ દોડતાં હોઈએ એ રીતે. આ એક્સરસાઈઝ તમને હાર્ટ ડિસીઝની સાથે અન્ય બીમારીઓથી પણ બચાવશે.
પાતળા લોકોને પણ ખતરો
પાતળા લોકોને પણ હાર્ટ એટેકના ચાન્સિસ હોય છે. જો જાડાં લોકો એક્ટિવ છે તો તે લોકોમાં આ ખતરો ઘણો ઓછો થઈ જાય છે. ડોક્ટર કહે છે કે દરેક એક્સરસાઈઝ દરેક વ્યક્તિ માટે યોગ્ય જ હોય એવું નથી. પણ કઈ એક્સરસાઈઝ તમારા માટે યોગ્ય છે તે ટ્રેનર બતાવી શકે છે. જેથી એક્સરસાઈઝ પહેલાં ટ્રેનરની સલાહ અવશ્ય લો.