દુનિયાની સૌથી લોકપ્રિય ઈન્સ્ટન્ટ મેસેજિંગ એપ વોટ્સએપનો આપણે બધાં ઉપયોગ કરીએ છીએ. કંપની પોતાના યુઝર્સને સુવિધા આપવા માટે નવા-નવા ફીચર્સ લાવતી રહે છે, પરંતુ ઘણાં ફીચર્સ યુઝર્સ માટે મુશ્કેલી ઊભી કરી દે છે. આવું જ એક ફીચર છે વોટ્સએપનું ડિલીટ મેસેજ ફીચર. જેથી આજે અમે તમને જણાવીશું, કે ભૂલથી વોટ્સએપ પરના મેસેજ ડિલીટ થઈ જાય તો કઈ રીતે તેને પાછા લાવી શકાય છે.
લોકલ સ્ટોરેજ દ્વારા બેકઅપ
આ રીત માત્ર એન્ડ્રોઈડ યુઝર્સ માટે કામ કરે છે, iOS યુઝર્સ માટે નહીં
સૌથી પહેલા પોતાના ફોનમાં ફાઈલ મેનેજર ઓપન કરો.
અહીં Whatsapp ફોલ્ડરમાં જઈને Database પર ક્લિક કરો.
આ ફોલ્ડરમાં વોટ્સએપની બધી બેકઅપ ફાઈલ હોય છે.
msgstore.db.crypt12 નામની ફાઈલ પર લોન્ગ પ્રેસ કરો અને નામને એડિટ કરો.
નવું નામ msgstore_backup.db.crypt12 રાખી દો. આવું એટલે કરવું કારણ કે તે નવી ફાઈલ સાથે રિપ્લેસ ન થઈ જાય.
હવે સૌથી લેટેસ્ટ બેકઅપ ફાઈલનું નામ msgstore.db.crypt12 રાખી દો.
હવે ગૂગલ ડ્રાઈવમાં જાવ અને પોતાના વોટ્સએપ બેકઅપને ડિલીટ કરી દો.
હવે વોટ્સએપ અનઈન્સ્ટોલ કરીને બાદમાં ફરીથી ઈન્સ્ટોલ કરો.
ફરીથી વોટ્સએપ ચાલુ કરવા પર આ લોકલ સ્ટોરેજથી બેકઅપ માટે પૂછશે. અહીં msgstore.db.crypt12 ફાઈલ સિલેક્ટ કર્યા બાદ Restore પર ક્લિક કરો.
હવે તમને તમારા મેસેજ મળી જશે.
ગૂગલ ડ્રાઈવ અથવા iCloud દ્વારા બેકઅપ
આ રીતથી સ્માર્ટફોન અને એન્ડ્રોઈડ યુઝર્સ બેકઅપ લઈ શકે છે.
પોતાના સ્માર્ટફોનથી વોટ્સએપને અનઈન્સ્ટોલ કરી દો અને બાદમાં ફરી ઈન્સ્ટોલ કરો.
ફરીથી વોટ્સએપ ચાલુ કરવા પર આ ગૂગલ ડ્રાઈવ અથવા iCloudથી બેકઅપ માગશે. બેકઅપ રિસ્ટોર કરી લો.