માર્ચ 2020 બાદ દુનિયા જાણે બદલાઇ જ ગઇ છે. માસ્કથી લઇને કંઇ કેટલી વસ્તુઓ જીવનમાં ઉમેરાઇ છે અને કેટલીક વસ્તુઓએ એક્ઝિટ લઇ લીધી છે.
વેક્સિંગ કરતા પહેલા ચેતજો
રિકા વેક્સ કરતા પહેલા જાણો આ વાતો
ધ્યાન નહી રાખો તો ચામડી નીકળી જશે
આ જ રીતે મહિલાઓ માટે બ્યૂટિ પાર્લર જવું થોડુ અઘરુ બન્યુ છે કારણકે કોરોના ક્યાંય પણ હોઇ શકે છે. એવામાં ઘરે જ સામાન લાવીને પોતાની જાતે બ્યૂટિ ટ્રીટમેન્ટ કરતા હોય છે. આ જ રીતે વેક્સિંગ પણ તેઓ જાતે જ કરે છે પરંતુ પાર્લર જેવુ વેક્સિંગ થઇ શકતુ નથી. આ નુસ્ખા અપનાવશો તો તમને સારુ રિઝલ્ટ મળશે.
આજકાલ રિકા વેક્સનું ચલણ ખુબ વધ્યુ છે પરંતુ જો તમે ઘરે રિકા વેક્સ કરી રહ્યાં છો તો ખુબ જ ધ્યાન રાખજો નહીતર તમારી સ્કીન નીકળી જવાની સંભાવના રહે છે. રિકા વેક્સથી તમારો ગ્રોથ જલ્દી નહી આવે પરંતુ તેને કરવાની રીત પણ અલગ હોય છે. હાથના જોઇન્ટ્સમાં સીધુ વેક્સ લગાવીને ન કરી શકાય, તેના માટે સ્ટ્રીપ પર વેક્સ લગાવો અને બાદમાં વેક્સ કરો નહીતર તમારી સ્કીન નીકળી જતા વાર નહી લાગે.
વેક્સિંગ કરતી વખતે ધ્યાન રાખો કે વેક્સ ખૂબ ઠંડું કે ખૂબ જ ગરમ ન હોય. સાથે જ પીરિયડના સમય વેક્સિંગ કરવાનું ટાળો. વધુમાં વેક્સિંગ કરતા પહેલા હાથ પર ક્રિમ લગાવ્યું હોય કે ના લગાવ્યું તેમ છતાં હાથને બરાબર સાબુ અને પાણીથી સાફ કરી લો. અને પછી ટુવાલથી હાથને એકદમ ડ્રાય કરી લો.
સાથે જ જો તમારા ઘરમાં એસી હોય તો એસીમાં બેસીને જ વેક્સ કરો. અને જ્યારે તમે વેક્સ કરો છો તો એસીનું તાપમાન 18 થી 20 સેલ્શિયસ વચ્ચે રાખો. જેથી પરસેવાની સમસ્યા નહીં થાય
જો તમને પરસેવો વધી થતો હોય કે વાળ બરાબર ન નીકળતા હોય તો હાથ પર વેક્સ કરતા પહેલા કોઇ પણ સાદો ટેલકમ પાવડર લગાવો. અને પછી વેક્સ લગાવીને વાળની વિરુદ્ધ દિશામાં કપડાથી ખેંચો.
સાથે વેક્સ કર્યા પછી એન્ટીસેપ્ટીક ક્રીમ કે મોશ્ચ્યુરાઇઝર જરૂરથી લગાવો. જેથી તમારી ત્વચા સુવાળી રહે.