ચહેરાના અણગમતા વાળથી છુટકારો મેળવવાની 2 સૌથી અસરકારક રીત વેક્સિંગ અને લેઝર છે. જોકે, લેઝર વેક્સિંગની તુલનામાં ઘણું મોઘું હોય છે અને લોકો તેના સાઈડઈફેક્ટ્સની ડરથી લેઝર કરાવતાં નથી. જેથી મોટાભાગની મહિલાઓ ફેસ પર વેક્સિંગનો વિકલ્પ પસંદ કરે છે. પણ ફેશિયલ વેક્સિંગ પણ સંપૂર્ણ રીતે સેફ નથી. તેના પણ ઘણાં નુકસાન છે. તો ચાલો જાણીએ આ વિશે.
ચહેરા પર વેક્સ કરાવવાથી શું થાય છે જાણો
આટલી સાવધાની નહીં રાખો તો લૂઝ થઈ જશે સ્કિન
સ્કિન ઈન્ફેક્શન હોય તો ન કરાવવું ફેસ પર વેક્સિંગ
દરેક મહિલાને ફેસ પર વેક્સિંગ સૂટ થાય એવું નથી. ઘણાંને વેક્સિંગને કારણે સ્કિન ઈન્ફેક્શન પણ થઈ જાય છે. જો તમારી સ્કિન સેન્સિટિવ હોય તો ભૂલથી પણ વેક્સ કરાવવું નહી, નહીંતર તમારી સ્કિન વધુ ખરાબ થઈ જશે. જો તમારા ચહેરા પર વધુ પ્રમાણમાં હેર ગ્રોથ હોય તો ડોક્ટરની સલાહથી વિકલ્પ પસંદ કરવો.
ચહેરા પર વેક્સ કરાવતા પહેલાં આટલું ધ્યાન રાખો
ચહેરા પર ઉપયોગમાં લેવાતો વેક્સ સામાન્ય વેક્સ કરતા અલગ હોય છે. આ હર્બલ અને સ્મૂધ હોય છે જેથી સ્કિન છોલાય નહી અને બર્ન પણ ન થાય.
ચહેરાના વાળ હટાવવા માટે જે વેક્સનો ઉપયોગ કરવામાં આવે છે તેમાં એલોવેરા, મધ હોય છે. જેથી તેનાથી સ્કિનને ઓછું નુકસાન થાય છે.
જો બહુ વધારે પ્રમાણમાં ચહેરા પર વેક્સ કરાવવામાં આવે તો સ્કિન લૂઝ પડી જાય છે અને ચહેરા પર કરચલીઓ થવા લાગે છે. જેથી 3-4 મહિને એક જ વાર ચહેરા પર વેક્સ કરાવવું.
ચહેરા પર વેક્સ કરાવીને મોઈશ્ચરાઈઝર અવશ્ય લગાવવું અને ફેસ વોશથી જ ચહેરો ધોવો.
જો વેક્સ કરતા ન આવડતું હોય અથવા તો તમે ઘરે જ હાથ-પગ પર વેક્સ કરી લેતા હો તો પણ ચહેરા પર કોઈ નિષ્ણાંત પાસે જ વેક્સ કરાવવું નહીં તો ચહેરો ખરાબ થઈ શકે છે.