હવામાન વિભાગ દ્વારા વરસાદને લઈને આગાહી કરવામાં આવી છે, જેમા તેમણે જણાવ્યું છે કે આગામી 24 કલાકમાં સૌરાષ્ટ્ર અને દક્ષિણ ગુજરાતમાં ભારે વરસાદ પડશે
વરસાદને લઈને હવામાન વિભાગે કરી આગાહી
દક્ષિણ ગુજરાત અને સૌરાષ્ટ્રમાં 24 કલાકમાં ભારે વરસાદ
વરસાદની આગાહીને લઈને ખેડૂતોમાં ખુશીનો માહોલ
હવામાન વિભાગ દ્વારા વરસાદને લઈને આગાહી કરવામાં આવી છે, કે આગામી 24 કલાકમાં રાજ્યમાં ભારે વરસાદ પડી શકે છે. વરસાદની આગાહીને લઈને ખેડૂતોમાં હાલ ખુશીનો માહોલ ફેલાયેલો છે. ખાસ કરીને દક્ષિણ ગુજરાત અને સૌરાષ્ટ્રમાં ભારે વરસાદ પડશે તેવી હવામાન વિભાગે આગાહી કરી છે.
વલસાડમાં અતિભારે વરસાદની આગાહી
જોકે તે સિવાય વલસાડમાં પણ ભારેથી અતિભારે વરસાદ પડી શકે છે. નવસારી, સુરત, ડાંગ તાપીમાં પણ ભારે વરસાદ પડશે તેવી આગાહી કરવામાં આવી છે. અમરેલી, ગીર સોમનાથ અને જૂનાગઢમાં પણ હવામાન વિભાગ દ્વારા ભારે વરસાદની આગાહી કરવામાં આવી છે.
ખેડૂતોમાં આનંદનો માહોલ
અગાઉ અમરેલી અને જાફરાબાદમાં બે દિવસ પહેલા ભારે વરસાદ પડ્યો હતો. જેના કારણે રોડ રસ્તા પર પાણી ફરી વળ્યા હતા. જોકે હવામાન વિભાગ દ્વારા પણ ભારે વરસાદની આગાહી કરવામાં આવી છે. જેના કારણે અહીયાના ખેડૂતોમાં હને ખુશીનો માહોલ જોવા મળી રહ્યો છે. સાથેજ 3 દિવસ અગાઉ દ્વારકામાં પણ ગાજવીજ સાથે ધોધમાર વરસાદ પડ્યો હતો.
લોકોએ હાશકારો અનુભવ્યો
ગરમીથી કંટાળેલા લોકો છેલ્લા કેટલાય સમયથી વરસાદની રાહ જોઈ રહ્યા છે. તેવામાં હવામાન વિભાગની આગાહીને લઈને લોકોએ હાશકારો અનુભવ્યો છે. તેમજ લોકો હવે કાગડોળે વરસાદની રાહ જોઈ રહ્યા છે.
રાજકોટમાં નહી સર્જાય પાણીની અછત
ઉલ્લેખનીય છે કે રાજકોટના મેયર દ્વારા આજે મુખ્યમંત્રીને પાણીની અછતને લઈને પત્ર લખવામાં આવ્યો છે. ઓગસ્ટ સુધીમાં વરસાદ નહી પડે તો રાજકોટમાં પાણીની અછત સર્જાય તેવી પરિસ્થિતી છે. જોકે હવે હવામાન વિભાગ દ્વારા રાજકોટમાં ભારે વરસાદની આગાહી કરવામાં આવી છે. જેથી રાજકોટવાસીઓ માટે પણ આ રાહતના સમાચાર કહી શકાય.