તબાહી / વરસાદને કારણે મચ્યો આ શહેરમાં હાહાકાર, JCB ની મદદથી બાળકો - મહિલાઓને બહાર કાઢી રહ્યું છે તંત્ર

તેલંગાણામાં ગત અઠવાડિયે ભારે વરસાદના વરસ્યો હતો. જેના કારણે અત્યાર સુધીમાં રાજ્યમાં 50 લોકોના મૃત્યું થયા છે અને અંદાજે 6000 કરોડ રૂપિયાનું આર્થિક નુકસાનનું અનુમાન છે. આ વચ્ચે NDRFની ટીમ દ્વારા રાહત અને બચાવ કાર્યો કરવામાં આવી રહ્યાં છે. કેટલાંક વિસ્તારોમાં જ્યાં હજુ પાણી ભરાઇ ગયા છે, ત્યાં JCB મશીન પર બેસીને મહિલાઓ અને બાળકોને સુરક્ષિત બહાર નીકાળવામાં આવી રહ્યાં છે. 

ગંભીર પરિસ્થિતિને ધ્યાનમાં લેતા કેન્દ્રિય ગૃહ રાજ્યમંત્રી કિશન રેડ્ડીએ અપીલકરી છે કે હૈદરાબાદના બધા નાગિરકોને અનુરોધ છે કે તેઓ ઘરની અંદર રહે અને બહાર ના જાય, કારણ કે શહેરના ઘણા વિસ્તારોમાં ભારે વરસાદ થયો છે અને સ્થિતિ પર હાલ નજર રાખવામાં આવી રહી છે. 
 

ઓલ્ડ કરનૂલ રોડ પાણીમાં ગરકાવ થઇ ગયો છે અને એરપોર્ટ અને બેંગલુરુથી આવનારા લોકોને આઉટર રિંગ રોડનો ઉપયોગ કરવાની સલાહ આપવામાં આવી છે. હૈદરાબાદના કેટલાંક વિસ્તારોમાં 150 મિલીમીટર જેટલો વરસાદ પડ્યો છે. આજે પણ હૈદરાબાદમાં મધ્યમ વરસાદની આગાહી કરવામાં આવી છે. 

રાજ્યના મુખ્યમંત્રી ચંદ્રશેખર રાવે મૃતકોના પરિવારજનોને 5-5 લાખ રૂપિયાની આર્થિક મદદનું એલાન કર્યું છે. જ્યારે વરસાદના પગલે જે લોકોનું મકાન ક્ષતિગ્રસ્ત થયું છે તેમને નવુ ઘર બનાવી આપવામાં આવશે.