બેદરકારી / અમદાવાદના ઈન્ક્મટેક્ષ બ્રિજમાં મોટી બેદરકારી, ગાંધીજીની પ્રતિમા પર પડી રહ્યો છે પાણીનો ધોધ

અમદાવાદના ઈન્કમટેક્સ પાસે બ્રિજના નિર્માણ કાર્યથી લઈને બ્રિજના લોકાર્પણ સુધી ગાંધીજીની પ્રતિમાનો વિવાદ ચાલ્યો હતો. પહેલા ગાંધીજીની પ્રતિમા હટાવવાનું નક્કી કરાયું હતું. અને બાદમાં પ્રતિમાને ત્યાંની ત્યાં જ રખાઈ હતી. જોકે હવે બ્રિજનું લોકાર્પણ પણ થઈ ગયું. અને વાહનવ્યવહાર પણ શરૂ થઈ ગયો. જોકે બ્રિજના લોકાર્પણ બાદ થયેલા વરસાદે તંત્રની પોલ ખોલી દીધી. ફરી એકવાર ગાંધીજીને આ બ્રિજ નડ્યો છે. ગાંધીજીની પ્રતિમા પર જ બ્રિજ પરથી પાણીનો ધોધ પડી રહ્યો છે. હવે આને તંત્રની ભૂલ સમજવી કે પછી નિર્માણકાર્યમાં બેદરકારી. 60 કરોડના ખર્ચે બનાવેલા આ બ્રિજનું 3 જુલાઈએ અમિત શાહે ઉદ્ઘાટન કર્યું હતું. ત્યારે વરસાદે તંત્રની પોલ ખોલી દીધી છે. અને આ પાણીનો ધોધ પડતાં ગાંધીજીની ગરિમાને પણ ઝાંખપ લાગી છે.