બનાસકાંઠા / માડકા ગામે તળાવ ઓવરફ્લો થતા શાળામાં પાણી ભરાયા

બનાસકાંઠાના માડકા ગામે તળાવ ઓવરફ્લો થતા સર્વત્ર પાણી ફરી વળ્યું છે. ગામની મુખ્ય શાળામાં પણ ઢીંચણ સમા પાણી ભરાયા છે. પાણી ભરાતા શાળામાં 2 દિવસ રજા જાહેર કરવામાં આવી છે. ત્યારે ધારાસભ્ય ગેનીબેન ઠાકોરે શાળાની મુલાકાત લીધી હતી.આપને જણાવી દઈએ કે, 2015-17માં પુરના કારણે પણ શાળામાં પાણી ભરાયા હતા. વારંવાર વરસાદી પાણી ભરાતા શાળાને ખસેડવાની માગણી કરવામાં આવી રહી છે. અગાઉ પણ શાળાને ખસેડવાની ગ્રામજનોએ માગ કરી છે.