બોપલ વિસ્તારમાં પાણીની ટાંકી ધરાશાયી થવાની ઘટનાનો મામલો હજી ભૂલાયો નથી ત્યાં શહેરની મધ્યમાં આવેલ ઘાટલોડિયા વિસ્તારમાં આવેલ પાણીની ટાંકી ઘરાશાયી થવાની ઘટના પ્રકાશમાં આવી છે.
ઘાટલોડિયામાં જર્જરિત ટાંકી થઈ ધરાશાયી
25 વર્ષ જૂની ટાંકી ધરાશાયી
કોઇ જાનહાની નહીં
ઘોટલોડિયા સ્થિત કર્મચારી નગર ખાતે આવેલી જર્જરિત પાણીની ટાંકી રવિવારે ધરાશાયી થતાં દોડધામ મચી જવા પામી હતી. આ બનાવ અંગે પ્રાપ્ત થતી વઘુ વિગતો મુજબ પાણીની ટાંકી 25 વર્ષ જૂની હોવાનું જાણવા મળ્યું હતું.
વારંવાર રજૂઆત તથા તંત્રના આંખ આડા કાન
નોંધનીય છે કે, પાણીની ટાંકી ધરાશાયી થવાને કારણે 22 વર્ષીય યુવતીના હાથમાં ઇજા પહોંતી હતી. જેને તાત્કાલિક અસરથી નજીકના દવાખાને સારવાર અર્થે ખસેડવામાં આવી હતી. કર્મચારી નગર ખાતે આવેલી પાણીની ટાંકી જર્જરિત હોવાની ફરિયાદ સ્થાનિકોએ અનેક વખત સોસાયટીના ચેરમેન તથા તંત્રને કરી હતી.
સદનસીબે કોઇ જાનહાની નહીં
જો કે, સ્થાનિકોની રજૂઆતને તંત્ર દ્વારા ગંભીરતાથી ન લેવાતા અંતે રવિવારની વહેલી સવારે પાણીની ટાંકી ધરાયાશી થઇ હતી. જો કે, સદનસીબે કોઇ જાનહાની ન થતાં તંત્રએ પણ હાંસકારો અનુભવ્યો હતો.
બોપલ વિસ્તારમાં પણ તૂટી હતી પાણીની ટાંકી
બોપલ વિસ્તારમાં આવેલ તેજસ સ્કૂલ પાસેની સંસ્કૃતિ ફલેટ પાસે ટાંકી ધરાશાયી થવાનો બનાવ બન્યો હતો. પાણીની ટાંકી ધરાશયી થતાં કેટલાક લોકોના મોત નિપજ્યા હતા. તથા અનેક લોકો ઘાયલ પણ થયાં હતા.
ભૂંકપ જેવો અવાજ
ટાંકી પડી ત્યારે ભૂકંપ જેવો અહેસાસ થયો હતો. વહેલી સવારે ધડાકાભેર પડતા લોકો ગભરાયા હતા. ઘટના બાદ ફાયર વિભાગે ઘટનાસ્થળે પહોંચી કાર્યવાહી હાથ ધરી હતી. ફાયરની ટીમ દ્વારા કાટમાળ હટાવવાની કામગીરી શરૂ કરાઈ હતી.