પંચમહાલઃ જિલ્લામાં છેલ્લા ઘણા દિવસોથી ધોધમાર વરસાદ વરસી રહ્યો છે. ધોધમાર વરસાદ આવતા જિલ્લાના અનેક જળાશયોમાં પાણીની આવકમાં વધારો થયો છે. જિલ્લાના પાનમ ડેમમાં 2351 ક્યુસેક પાણીની આવક થઈ છે. પાણીની આવક થતા ડેમની સપાટી 123.60 મીટર પર પહોંચી છે.
આ ડેમની ભયજનક સપાટ 127.41 મીટર છે. તો આ તરફ હડફ ડેમમાં પણી પાણીની આવક થઈ છે. હડફ ડેમમાં 600 ક્યુસેક પાણીની આવક થઈ છે. ડેમમાં પાણીની આવક થતા ડેમનો 1 દરવાજો ખોલવામાં આવ્યો છે. પાણીની આવક થતા ડેમની સપાટી 164.30 મીટર પર પહોંચી છે. આ ડેમની ભયજનક સપાટી 167 મીટર છે.
મહત્વનું છે કે હડફ ડેમમાં પાણીની આવક થતા ડેમનો 1 દરવાજો ખોલવામાં આવ્યો હતો. ત્યારબાદ ત્રણ વખતમાં 5000 ક્યૂસેક પાણી હડફ નદીમાં છોડવામાં આવ્યું હતું. પંચમહાલ જિલ્લામાં છેલ્લા કેટલાક દિવસોથી વરસાદ ખાબક્યો હતો. જો કે પંચમહાલના હડફ અને પાનમ ડેમ બન્નેમાં પાણીની આવક નોંધાઇ હતી.