વલસાડ જિલ્લાના ઉપરવાસના કપરાડા અને ધરમપુર તાલુકામાં ભારે વરસાદના કારણએ જિલ્લાની નદી ભયાનક સપાટી ઉપર વહી રહી છે. જિલ્લાના જીવાજોરી સમાન મધુબન ડેમમાંથી દમણગંગા નદીમાં દોઢ લાખ ક્યુસેક પાણી છોડવામાં આવતા દમણ ગંગા નદીએ ભયજનક સપાટી નજીક પહોંચી છે. જેને લઇ તંત્રએ એલર્ટ આપી દીધું છે. ત્યારે આ સ્થિતિમાં વલસાડથી પસાર થતી ઔરંગા નદી પણ તોફાની બની છે. જેને લઇ ઔરંગા નદી કિનારાના વિસ્તારમાં એનડીઆરએફની ટીમ અને ફાયરની ટીમ તહેનાત કરી દેવાઇ છે.